Shivsena UBT News: शिवसेना उद्धव ठाकरे पक्षाच्या नाशिकच्या पदाधिकाऱ्यांनी शुक्रवारी (ता.6) मुंबईत उद्धव ठाकरे यांची भेट घेतली. यावेळी पक्षप्रमुख ठाकरे यांनी नाशिकच्या राजकीय परिस्थितीची माहिती घेतली. दिवाळीनंतर होणाऱ्या महापालिका निवडणुकांच्या तयारीला लागण्याच्या सूचना केल्या.
शिवसेना ठाकरे पक्षाचे उपनेते सुधाकर बडगुजर (Sudhakar Badgujar) यांना पक्षविरोधी कारवाया केल्याने बडतर्फ करण्यात आले आहे. त्यामुळे सिडको भागातील शिवसेनेच्या संघटनात्मक बांधणीवर परिणाम होणार आहे. निवडणुकीच्या पार्श्वभूमीवर शिवसेना ठाकरे पक्षाला हा मोठा धक्का मानला जात आहे.
शिवसेनेच्या (Shivsena) नाशिकच्या पदाधिकाऱ्यांना शुक्रवारी (ता.6) मुंबईला पाचरण करण्यात आले होते. शिवसेनेचे उपनेते सुनील बागुल, उपनेते दत्ता गायकवाड, माजी आमदार वसंत गीते, जिल्हाप्रमुख डीजी सूर्यवंशी, बाळा दराडे यांचं विविध पदाधिकारी यावेळी उपस्थित होते. महानगर प्रमुख विलास शिंदे मात्र या बैठकीला अनुपस्थित राहिल्याने पुन्हा एकदा अस्थिरता कायम आहे.
यावेळी पक्षप्रमुख उद्धव ठाकरे यांनी नाशिक शहरात झालेल्या घडामोडींचा परिणाम जाणून घेण्याचा प्रयत्न केला. दिवाळीनंतर महापालिका आणि स्थानिक स्वराज्य संस्थांच्या निवडणुका होणार आहेत. निवडणुकांसाठी सत्ताधारी पक्ष प्रचंड तयारीने उतरणार आहे. सत्तेचा मोठ्या प्रमाणावर दुरुपयोग होईल. त्याला सामोरे जाण्याची तयारी करावी लागेल असे त्यांनी सांगितले.
या निवडणुकीच्या तयारीसाठी पुन्हा एकदा बूथ कमिट्यांपासून सुरुवात करावी. प्रत्येक वार्डात शिवसेना उद्धव ठाकरे पक्षाच्या पदाधिकाऱ्यांना नव्याने संघटित करावे. आगामी निवडणुकांमध्ये शिवसेना ठाकरे पक्षात पुन्हा एकदा अनुकूल बदल झालेले दिसतील, असे त्यांनी सांगितले.
गेल्या वर्षभरात महायुतीचे सरकार सत्तेत आल्यानंतर त्याचा मोठ्या प्रमाणावर दुरुपयोग आणि दबाव निर्माण करण्यात आला. त्यामुळे विरोधी पक्षातील अनेक नेते पक्ष सोडून गेले. आगामी निवडणुकांच्या पार्श्वभूमीवर होऊ घातलेल्या राजकीय घडामोडी यांचा विचार करता परत गेलेले काही नेते पुन्हा एकदा शिवसेना ठाकरे पक्षाच्या वाटेवर असल्याचे संकेत यावेळी देण्यात आले. शिवसेना पक्षनेते संजय राऊत, विनायक राऊत यांस विविध नेत्यांनी नाशिकच्या पदाधिकाऱ्यांची चर्चा केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.