MVP Election: छगन भुजबळांकडून मविप्र पदाधिकाऱ्यांचा सत्कार

नाशिक : मराठा विद्या प्रसारक समाज (MVP) संस्थेच्या (Education) नुकत्याच झालेल्या निवडणुकीत अॅड. नितीन ठकरे (Adv. Nitin Thackray) विजयी उमेदवारांनी शुक्रवारी भुजबळ फार्म येथे माजी उपमुख्यमंत्री छगन भुजबळ (Chhagan Bhujbal) यांनी त्यांचा सत्कार करून शुभेच्छा दिल्या. (MVP office bearers meeting with Chhagan Bhujbal is in discussion)

मराठा समाजाची शिक्षण संस्था असलेल्या मराठा विद्या प्रसारक समाज संस्थेच्या सदस्यांनी छगन भुजबळ यांची भेट घेतल्याने ही भेट सध्या सभासद तसेच राजकीय नेत्यांसाठी चर्चेचा विषय ठरला आहे. याबाबत सभासदांत विविध चर्चा केल्या जात असल्याने हा सत्कार सगळ्यांसाठी चर्चला विषय देऊन गेला आहे.

मराठा विद्याप्रसारक समाज संस्‍थेचे नवनिर्वाचित सरचिटणीस ॲड. नितीन ठाकरे यांच्‍यासह पदाधिकाऱ्यांनी माजी पालकमंत्री छगन भुजबळ यांची भेट घेतली. या वेळी श्री. भुजबळ यांच्‍या हस्‍ते पदाधिकाऱ्यांचा सत्‍कार झाला. मविप्र निवडणुकीत परिवर्तन पॅनलने ऐतिहासिक विजय मिळवत संस्‍थेचे नेतृत्‍व हाती घेतले आहे. या नवनिर्वाचित पदाधिकाऱ्यांनी माजी पालकमंत्री छगन भुजबळ यांची भुजबळ फार्म येथील कार्यालयात सदिच्छा भेट घेतली.

या वेळी भुजबळांनी पदाधिकाऱ्यांचा सन्मान करत संस्थेच्या भावी वाटचालीस शुभेच्छा दिल्या. सरचिटणीस ॲड. नितीन ठाकरे यांच्‍यासह तालुका संचालक नंदकुमार बनकर, डॉ. सयाजीराव गायकवाड यांचाही सत्कार झाला. ज्येष्ठ नेते अंबादास बनकर, प्रा. बाळासाहेब पिंगळे, जिल्हाध्यक्ष ॲड. रवींद्र पगार, प्रदेश पदाधिकारी दिलीप खैरे आदी उपस्थित होते.

---