Kumbh Mela News: कुंभमेळ्यात साधूग्राम उभारण्यासाठी अठराशे झाडे तोडली जाणार आहेत. यावरून कुंभमेळा मंत्री गिरीश महाजन आणि नागरिक परस्परांच्या विरोधात ठाकले आहेत. त्यामुळे हे प्रकरण महापालिका निवडणुकीत भाजपला अडचणीचे ठरते की काय अशी चर्चा सुरू झाली आहे.
तपोवनात अठराशे झाडे तोडण्यावर कुंभमेळा मंत्री गिरीश महाजन ठाम आहेत. त्याला अभिनेते सयाजी शिंदे यांसह राज्यभरातील पर्यावरण प्रेमींनी विरोध केला आहे. विरोधाला जनमताचा पाठिंबा वाढू लागला आहे.
या प्रकरणावरून भाजपचे संकट मोचक संकटात सापडतात की काय अशी स्थिती आहे. कारण आता या प्रकरणात शिवसेना पक्षप्रमुख उद्धव ठाकरे यांनी उडी घेतली. त्यापाठोपाठ आता मनसे प्रमुख राज ठाकरे यांनीही गंभीर आक्षेप घेतले आहेत.
साधूग्राम येथील झाडे तोडून ही जमीन उद्योगपतींच्या घशात घालण्याचा डाव आहे. साधूग्राम हे केवळ निमित्त आहे. सिंहस्थ कुंभमेळ्यासाठी झाडे तोडण्याची आवश्यकताच नसते, असा दावा राज ठाकरे यांनी केला आहे.
दुसरीकडे नाशिककरांच्या मनात वृक्षतोडी विरोधात संताप निर्माण होत आहे. अनेक नागरिकांनी त्या विरोधात आंदोलन केले आहे. मात्र सत्ता आणि प्रशासन हाकणाऱ्या कुंभमेळा मंत्री महाजन यांनी त्याची दखल घेण्यास नकार दिला आहे.
तपोवन आतील झाडे तोडून त्या बदल्यात पाचपट झाडे लावण्याचा दावा प्रशासन करते आहे. त्यासाठी हैदराबाद हून रोपे आणायचे काम सुरू झाले आहे. वृक्षारोपणासाठी खड्डे खोदले जात आहेत. त्यामुळे प्रशासन जनक्षोभाची दखल घेण्यास तयार नाही असा संदेश देण्यात आला.
ऐन महापालिका निवडणुकीच्या तोंडावर या सर्व घडामोडी घडत आहेत. यातून भाजपने आणि विशेषतः कुंभमेळा मंत्री महाजन यांनी विरोधकांना आयता मुद्दा दिला आहे. त्यामुळे हंड्रेड प्लस अशी घोषणा केलेल्या भाजपचा कॅच तर जाणार नाही ना? अशी चर्चा सुरू झाली आहे.
साधू ग्राम येथील झाडे तोडली जाणार आहेत. त्या बदल्यात दुसरीकडे झाडे लावण्याचे आश्वासन दिले जात आहे. मात्र जिथे झाडे लावणार तिथेच साधूग्राम उभारा असा पर्याय पर्यावरण प्रेमी आणि राज ठाकरे यांनी दिला आहे.
मनसे प्रमुख राज ठाकरे आणि शिवसेना पक्षप्रमुख उद्धव ठाकरे यांची वृक्षतोडीच्या प्रकरणात एन्ट्री झाली आहे. ही एन्ट्री सूचक मानली जाते. भाजप विरोधात वातावरण निर्मितीला आयती संधी यातून सत्ताधाऱ्यांनी दिली अशी कुजबुज होत आहे.
-------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.