Political Controversy : देवा भाऊच्या शिलेदाराने दिले शिंदेंच्या आमदाराला सभेतून आव्हान... विरोधकांची झाली कोंडी!

Mangesh Chavan News : चाळीसगाव नगरपालिकेचे निवडणूक आता थेट व्यक्तिगत पातळीवर पोहोचली. भाजपचे आमदार मंगेश चव्हाण यांनी आमदार किशोर पाटील यांना घेरले. उमेदवारीवरून थेट आव्हान दिल्याने राजकारण चांगलेच तापले आहे. चाळीसगाव नगरपरिषद निवडणुकीने आमदार मंगेश चव्हाण यांनी शिवसेनेचे आमदार किशोर पाटील यांना जाहीर आव्हान दिले. आमदार पाटील स्वतःच्या बहिणीला न्याय देऊ शकले नाही. ते इतर महिला आणि कार्यकर्त्यांना काय न्याय देणार? असे आमदार चव्हाण म्हणाले.

आमदार चव्हाण यांनी आमदार पाटील यांना थेट आव्हान दिले. आमदार पाटील यांनी बहिणीला आमदार करीन असे जाहीर करावे. मी उद्याच माझ्या पत्नीचा पाठिंबा आघाडीच्या उमेदवाराला देतो, असे खुले आव्हान आमदार मंगेश चव्हाण यांनी दिले आहे. पाचोरा येथे भाजपमध्ये झालेल्या प्रवेशावरून आमदार किशोर पाटील हे कमालीचे अस्वस्थ झाले आहेत. त्यांनी चाळीसगाव येथे भाजपचे आमदार चव्हाण यांच्यावर आरोप केले. त्याचा आमदार चव्हाण यांनी चांगला समाचार घेतला.

विशेष म्हणजे शिवसेना शिंदे गटाच्या चाळीसगाव नगर परिषदेमध्ये उमेदवार आहेत. त्यांच्या विरोधात आमदार पाटील यांनी शहर विकास आघाडीसाठी प्रचार केला. त्यामुळे स्थानिक शिवसेनेचे पदाधिकारी देखील नाराज असल्याची चर्चा आहे. राष्ट्रवादी अजित दादा पवार गटाचे उमेदवार देखील चाळीसगावला आहेत.आमदार पाटील यांचे सहकारी माजी मंत्री सतीश अण्णा पाटील यांनी देखील चाळीसगाव शहरात येऊन पक्षाच्या विरोधात आणि शहर विकास आघाडीच्या उमेदवाराचा प्रचार केला. त्यामुळे राष्ट्रवादी अजित दादा पवार गटात देखील राजकीय गोंधळ वाढला आहे.

या पार्श्वभूमीवर आमदार चव्हाण यांनी किशोर पाटील यांचा समाचार घेतला. किशोर पाटील सख्ख्या बहिणीच्या विरोधात गेले. तिला न्याय देऊ शकले नाही. जर पाटील यांनी आपल्या बहिणीला आमदार करणार, अशी घोषणा करावी. तसे झाल्यास आपल्या पत्नीची उमेदवारी मागे घेऊन आमदार चव्हाण यांच्या उमेदवाराला पाठिंबा देऊ असे आव्हान त्यांनी दिले.

या निमित्ताने भाजपचे आमदार चव्हाण आणि शिवसेना शिंदे पक्षाचे आमदार पाटील यांच्यात चांगलीच जिंकली आहे. आमदार चव्हाण यांनी आव्हान देऊन पाटील यांची कोंडी केली. त्यावर पाटील काय भूमिका घेतात याची उत्सुकता आहे.