Chhagan Bhujbal : भुजबळांची ताकद वाढली ! विधानसभेला दुरावलेले दोन मातब्बर नेते पुन्हा आले जवळ, जिल्हा परिषद लढतीची तयारी

Nashik Politics : विधानसभा निवडणुकीत मराठा आरक्षण व जरांगे फॅक्टरच्या भीतीने येवल्यातील अनेक मराठा नेते मंत्री छगन भुजबळ यांच्यापासून दुरावले होते. अनेक मराठा नेत्यांनी समाजासोबत जाण्याची भूमिका घेतली होती. परंतु निवडणुकीच्या निकालानंतर येवल्यात जरांगे फॅक्टर निष्प्रभ ठरल्याचे पाहून विधानसभेला भुजबळांपासून दुरावलेले नेते आता पुन्हा स्थानिक स्वराज्य संस्थांच्या निवडणुकांच्या पार्श्वभूमीवर भुजबळांच्या जवळ आले आहेत.

विधानसभा निवडणुकीच्यावेळी मंत्री छगन भुजबळ यांचे जवळचे व निकटचे सहकारी असलेले जयदत्त होळकर यांनी भुजबळांची साथ सोडली होती. मराठा आरक्षणाला भुजबळांचा विरोध होता. त्यामुळे होळकर यांनी समाजाला आरक्षण मिळाले पाहिजे, या भूमिकेतून राष्ट्रवादी काँग्रेस पार्टीच्या सर्व पदांचा राजीनामा दिला होता. ऐन विधानसभा निवडणुकीत ते भुजबळांपासून दुरावले होते.

परंतु आता जयदत्त होळकर हे पुन्हा भुजबळांसोबत आले आहेत. जिल्हापरिषद निवडणुकीत राष्ट्रवादीकडून जयदत्त होळकर यांच्या पत्नी वेदिका होळकर यांना उमेदवारी देण्याच्या हालचाली सुरु आहे. देवगाव गटातून भाजपच्या अमृता पवार यांच्याविरोधात भुजबळांकडून वेदिका होळकर यांना उमेदवारी दिली जाऊ शकते. जयदत्त होळकर लासलगावचे असले तरी तोडीस तोड असल्याने त्यांना देवगाव गटातून अमृता पवार यांच्या विरोधात भुजबळांकडून प्रोत्साहन दिलं जात आहे.

तसेच येवल्यात अंबादास बनकर यांनी भुजबळांना साथ दिली होती. परंतु त्यांचा मुलगा संजय बनकर यांनी मात्र भुजबळांच्या विरोधात काम केले होते. संजय बनकर यांनी भुजबळांचे विरोधी उमेदवार माणिकराव शिंदे यांना मदत केली होती. परंतु आता तेच संजय बनकर जिल्हा परिषदेसाठी राष्ट्रवादीकडून उमेदवारी करण्यास इच्छुक असल्याचे समजते. पाटोदा गटातून ते राष्ट्रवादीकडून उमेदवारी करण्याच्या तयारीत आहेत.

विधानसभा निवडणुकीत जयदत्त होळकर व संजय बनकर ह दोघेही भुजबळांपासून दुरावले होते. आता स्थानिक स्वराज्य संस्थाच्या निवडणुकांमध्ये हा दुरावा कमी झाला असून दोन्ही नेते भुजबळांच्या जवळ आले आहेत. दोन्ही नेत्यांकडून जिल्हापरिषदेसाठी भुजबळांकडे फिल्डींग लावली जात आहे. तसेच भुजबळांकडूनही दोघांना प्रोस्ताहन दिलं