Radhakrishna Vikhe Patil : ‘स्थानिक’मध्येही शत प्रतिशत भाजप; मंत्री विखे म्हणाले, 'आता माघार नाही...'

BJP Preparation in Local Body Elections: भाजपने राज्यात स्थानिक स्वराज्य संस्थांच्या निवडणुकीची तयारी सुरू केली आहे. अहिल्यानगर जिल्ह्याचे पालकमंत्री राधाकृष्ण विखे पाटील यांनी देखील विधानसभा निवडणुकीत मिळालेल्या यशाची पुनरावृत्ती स्थानिक स्वराज्य संस्थांच्या निवडणुकीत करण्यासाठी कार्यकर्ते आणि पदाधिकार्‍यांनी तयारी लागा, असा सूचना केल्या. यावेळी स्थानिक स्वराज्य संस्थांमध्ये शत प्रतिशत भाजप, अशी घोषणा मंत्री विखे पाटलांनी दिली.

भाजपच्या (BJP) स्थापना दिनानिमित्त आयोजित कार्यक्रमात मंत्री विखे पाटलांनी पदाधिकारी आणि कार्यकर्त्यांसमवेत संवाद साधला. मुख्यमंत्री देवेंद्र फडणवीस यांनी देखील कार्यकर्त्यांशी दूरदृश्‍य प्रणालीने सहभागी झाले होते. बूथ पातळीवर ताकद वाढवून स्थानिक स्वराज्य संस्थांच्या निवडणूक जिंकण्याची तयारीला लागा, अशा सूचना मुख्यमंत्री फडणवीस आणि मंत्री विखे पाटील यांनी केल्या.

मंत्री विखे (Radhakrishna Vikhe) पाटील म्हणाले, "भाजप हा देशातील सर्वांत मोठा आणि सर्वाधिक सदस्य संख्या असलेला पक्ष झाला आहे. जनतेने विचारधारा आणि प्रगती या दोन मुद्यांच्या आधारे भाजपला राज्यात आणि केंद्रात सत्तेवर बसविले. आता स्थानिक स्वराज्य संस्थांच्या निवडणुकीत शत प्रतिशत भाजपसाठी आपणा सर्वांना बूथ पातळीवर संघटन मजबूत करून तयारी सुरू करावी".

विखे पाटील यांनी भाजपचे राज्यात दीड कोटी सदस्य आहेत. त्यात शिर्डी मतदारसंघातील कार्यकर्त्यांनी 70 हजार सदस्य केले. त्यामुळे जिल्ह्यात आपण अव्वल आहोत. स्थानिक स्वराज्य संस्थांच्या निवडणुकीत देखील अव्वल राहण्यासाठी परिश्रम गरजेचे आहेत, असे सांगितले.

हिंदुत्वावरून ठाकरेंना टोला

वक्फ विधेयक बिल दुरुस्तीवर बोलताना मंत्री विखे पाटील यांनी वक्फ बोर्डाद्वारे जमिनी बिल्डरला देण्याचे आणि हिंदूंच्या जमिनींवर ताबा करण्याचे काम सुरू होते. मूठभर मंडळी सोडली, तर एकाही सामान्य मुसलमानाचा त्यातून विकास झालेला नाही. त्यामुळे या कायद्यात सुधारणा करावी लागली. या विधेयकाला विरोध केल्याने उद्धव ठाकरे यांना आता हिंदुत्ववादी म्हणून घेता येणार नाही, असा टोला लगावला.