Amol Mitkari News : कुणाचं काय तर कुणाचं काय? मिटकरी म्हणतात, 'महायुतीमुळे माझी 'ही' इच्छा अपूर्ण...'

Akola News : महायुती आणि महाआघाडीत अशा दोन्ही बाजूला तीन-तीन प्रमुख पक्षांचे समीकरण असल्याने पक्षांना आपल्या काही जागा मित्रपक्षांना सोडाव्या लागल्या, तर काही नेत्यांना निवडणूक लढवायची आशाही सोडावी लागली. राष्ट्रवादी काँग्रेस पक्ष (अजित पवार गट) विधानपरिषदेवरील आमदार अमोल मिटकरी यांनासुद्धा लोकसभा निवडणूक लढवायची इच्छा होती, पण ती अपूर्णच राहिल्याचे मिटकरी म्हणाले. (Latest Marathi News)

लोकसभेच्या (Lok Sabha) दुसऱ्या टप्प्यातील निवडणुकांसाठी राज्यातील आठ मतदारसंघांत मतदान पार पडल्या. अकोला मतदारसंघातही निवडणूक पार पडली. या वेळी मतदान करायला अमोल मिटकरी मतदान केंद्रावर पोहाेचले होते. या वेळी प्रसार माध्यमांशी संवाद त्यांनी साधला. पत्रकारांशी बोलत असताना त्यांनी आपली लोकसभा लढवण्याची इच्छा होती, असे कबूल केले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

अमोल मिटकरी (Amol Mitkari) म्हणाले, "महायुतीसोबत गेल्यामुळे लोकसभा निवडणूक लढवायची माझी इच्छा नक्कीच अपूर्ण राहिली आहे. भविष्यात राजकीय समीकरण कसे राहिल त्यावर सर्व अवलंबून आहे. शेवटी अजून बराच लांब पल्ला गाठायचा आहे. निश्चितच लोकशाहीत प्रत्येकाला वाटतं की, आपण निवडणूक लढवली पाहिजे. तशी लोकसभा लढवायची माझीही इच्छा होती. ठीक आहे, या वेळी संधी मिळाली नाही, पुढच्या वेळी नक्की बघू. जनतेचा आशीर्वाद असेल तर नक्की निवडणूक लढवू," अशी खंत आणि भविष्याबाबत उमेदही आमदार मिटकरी यांनी व्यक्त केली.

R