Local Body Elections BJP : चंद्रपूर जिल्ह्यात सध्या घमासान सुरू आहे. भाजपचे ज्येष्ठ नेते आणि माजी मंत्री सुधीर मुनगंटीवार आणि चंद्रपूरचे आमदार किशोर जोरगेवार यांच्यात विस्तवही जात नाही. त्यामुळे महापालिकेचे तिकीट कोणाकडे मागायचे असा प्रश्न कार्यकर्त्यांना पडला आहे. मात्र चंद्रपूरमध्ये जाऊन माजी प्रदेशाध्यक्ष आणि महसूलमंत्री चंद्रशेखर बावनकुळे यांनी थेट तिकीट वाटपाचे सूत्रच सांगून टाकले.
नेत्यांच्या मागे फिरणाऱ्यांना तिकीट दिले जाणार नाही, असा इशाराच बावनकुळे यांनी दिला. नेत्यांची जवळीक आणि मागे मागे फिरलो म्हणून कोणी आपले तिकीट पक्के असे समजू नका, असेही त्यांनी बजावले. कालपर्यंत मुनगंटीवार म्हणजे चंद्रपूर जिल्हा असेच समीकरण होते. त्यांचाच शब्द अंतिम मानला जात होता. त्यामुळे संपूर्ण जिल्ह्यातील भाजपच कार्यकर्ते मुनगंटीवार यांच्या मागे फिरत होते. मात्र आता समीकरणे बदलली आहेत.
भाजपच्या काही वरिष्ठ नेत्यांच्यावतीने आमदार किशोर जोरगेवारांना बळ दिले जात आहे. चंद्रपूर शहर आणि ग्रामीणमध्ये भाजपचा अध्यक्ष व कार्यकारिणी निवडताना मोठा वाद निर्माण झाला होता. अनेक दिवस याच कारणावरून कार्यकारिणी रखडली होती. अनेक नेत्यांना सर्वांचे मते जाणून घेण्यासाठी पाठवण्यात आले होते. सर्वांचा अभिप्रायसुद्धा नोंदवण्यात आला होता. ही लांबलेली प्रक्रियेचा बरेच कही सांगून जात होती.
शेवटी चंद्रपूर ग्रामीणचे अध्यक्षपद मुनगंटीवार आणि शहर जोरगेवार यांच्या समर्थकांना देण्यात आले. यातून मुनगंटीवार यांचे पंख छाटले जात असल्याचे स्पष्टपणे दिसून येते. आता महापालिका आणि जिल्हा परिषदेच्या निवडणुकीच्या तोंडावर आहेत. त्यामुळे कार्यकर्ते अस्वस्थ आहेत. काही काही जण आपआपल्या नेत्यांना चिकटून आहेत.
बावनकुळे यांनी नेत्यांच्या मागे फिरणार असाल तर तिकिटाची अपेक्षा सोडून द्या असा इशारा दिला. यापुढे कुणा नेत्यांच्या सांगण्यावरून नाही तर जनतेतून तिकीट दिले जाईल. प्रभाग स्तरावर सर्वेक्षण केले जातील. त्यातून इच्छुकाचा जनाधार तपासला जाईल. त्यानंतरच तिकीट वाटप केले जाईल असेही बावनकुळे यांनी स्पष्ट केले.
चंद्रपूरमधील वाढलेली गटबाजी बघून बावनकुळे यांच्या प्रमुख उपस्थितीत कार्यकर्ता संमेलन घेण्यात आले. या संमेलनाला सर्वच भाजपचे पदाधिकारी, आमदार आणि कार्यकर्ते उपस्थित होते. भाजपचा उद्देश केवळ निवडणुका जिंकणे नाही तर जनतेचा विश्वास जिंकणे आहे. त्यामुळे फक्त बड्या नेत्यांशी जवळीक असली किंवा त्यांच्या मागे मागे फिरत असला तर तिकिट मिळणार नाही, असेही त्यांनी स्पष्ट केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.