Nagpur Politics: ‘धन लावा व निवडणूक जिंका‘; मुंबई पालिकेच्या सर्व्हेवरुन वडेट्टीवारांनी भाजपवर केले गंभीर आरोप

Nagpur Politics: मुंबई महापालिकेत भाजपचे शंभर नगरसेवक निवडून येणार असल्याचे सर्वेतून समोर आले आहे. हा सर्वे भाजपनेच केला आणि मीडियापर्यंत पोहचवला, पण ही काल्पनिक कथा आहे. लोकांचे परस्पेशन बदलण्याचा हा केविलावाना प्रयत्न असल्याचा आरोप काँग्रेस विधिमंडळ पक्षाचे नेते विजय वडेट्टीवार यांनी केला आहे. त्यांचा सर्वे त्यांनाच सर्वांना सांगितला, नगरपालिका आणि नगरपरिषदेत भाजपचे शंबर नगरसेवक बिनविरोध निवडून आल्याने आश्चर्य व्यक्त करून 'धन लावा आणि निवडणूक जिंका' या भाजपच्या धोरणावरही त्यांनी टीका केली.

वडेट्टीवार म्हणाले, भाजपला एवढचा विश्वास आहे तर बॅलेट पेपरवर निवडणूक घेऊन दाखवावी. मात्र, पराभव निश्चित असल्याने ते भाजपला करायचे नाही. जे बिहारमध्ये केले तेच मुंबईत त्यांना करायचे आहे. तसेच त्यांना लोकशाही संपवायचीच आहे. नगरपालिका आणि नगर परिषदेच्या निवडणुकीत भाजपचे शंभर नगरसेवक बिनविरोध निवडून आहे ते बळाचा वापर करून आणि धमकावून आले आहेत. सत्ता तुमची, यंत्रणा तुमची, खुशाल लोकशाही पायदळी तुडवा असेही वडेट्टीवार संतापाने म्हणाले.

यावरून खरोखर पारदर्शक निवडणूक होईल का असा प्रश्न पडतो. यांच्याकडे धन एवढे आहे की धन लावा आणि निवडणुका जिंका असे यांचे धोरण असल्याचा आरोपही वडेट्टीवार यांनी केला. भाजपला पराभूत करण्यासाठी महाविकास आघाडीने एकत्र लढावे अशी भूमिका शरद पवार यांनी मांडली आहे. आमची सुद्धा हीच भूमिका आहे. याबाबत आम्ही सकारात्मक आहोत.

सध्या नगरपालिकेच्या निवडणुकीकडे सर्वांचे लक्ष लागले आहे. कुठल्याच पक्षाने महायुती आणि महाविकास आघाडी केलेली नाही. सर्वच पक्ष स्वबळावर निवडणूक लढवत आहेत. त्यामुळे मोठ्या प्रमाणात बंडखोरी झाली आहे. भाजपलाही ती बंडखोर शमवता आली नाही, असे असताना भाजचे शंभर नगरसेवक बिनविरोध निवडून आल्याने महाविकास आघाडीला मोठा धक्का बसला आहे. विजय वडेट्टीवार यांनीसुद्धा यावर आश्चर्य व्यक् केले आहे. यापूर्वी असे कधी घडले नव्हते. भाजपच्या काळात हे कसे काय घडत आहे अशी विचारणा करून वडेट्टवार यांनी यावर शंकाही व्यक्त केली.