Nagpur News, 28 Mar : दोन वेळा शिवसेनेला रामटेक लोकसभा मतदार संघ जिंकून देणाऱ्या कृपाल तुमाने (Krupal Tumane) यांना तिसऱ्यांदा मात्र डावलण्यात आले होते. भाजपच्या आग्रहास्तव शिवसेनेने लोकसभेच्या निवडणुकीत काँग्रेसमधून उमेदवार आयात केला होता.
महायुतीला (Mahayuti) हा प्रयोग चांगलाच महागात पडला आणि रामटेक लोकसभा मतदारसंघ गमावावा लागला. ही चूक शिवसेनेने सुधारली असल्याचे दिसून येत आहे. कारण आता आमदार तुमाने यांना रामटेक लोकसभा मतदारसंघाचे संपर्क प्रमुख करण्यात आले आहे. सोबतच हा मतदारसंघ आपल्याकडेच राहील याचीही खबरदारी शिवसेनेने घेतली असल्याचे दिसून येते.
लोकसभेच्या निवडणुकीत रामटेक लोकसभेसाठी महायुतीत मोठी रस्खीखेच झाली होती. भाजपने या मतदारसंघावर दावा केला होता. भाजपचे प्रदेशाध्यक्ष चंद्रशेखर बावनकुळे यांनी ही जागा सोडावी यासाठी शिवसेनेकडे गळ घातली होती. मात्र उपमुख्यमंत्री एकनाथ शिंदे (Eknath Shinde) मात्र ठाम राहिले.
त्यांनी जागा सोडण्यास नकार दिला. त्यानंतर भाजपच्यावतीने (BJP) उमरेडचे आमदार राजू पारवे यांना उमेदवारी द्यावी यासाठी आग्रह धरला होता. तो शिवसेनेला शेवटी मान्य करावा लागला. दोन वेळच्या खासदाराला घरी बसवण्यात आले. भाजपने या मतदारसंघाची जबाबदारी आपल्या खाद्यांवर घेतली होती. राजू पारवे यांच्या प्रचारासाठी पंतप्रधान नरेंद्र मोदी यांना प्रचारासाठी आणले होते.
यानंतरही महायुतीला या मतदारसंघात विजय मिळवता आला नाही. माजी मंत्री सुनील केदारांचे (Sunil Kedar) कट्टर समर्थक श्यामकुमार बर्वे यांनी येथून धक्कादायक विजयाची नोंद केली. एकनाथ शिंदेंनी तुमाने यांना विधान परिषदेत पाठवून त्यांचे राजकीय पुनर्वसन केले. ज्या उमेदवारासाठी तुमाने यांना शिवसेनेने त्याग करायला लावला ते पारवे पराभवानंतर भाजपमध्ये गेले.
रामटेकमध्ये शिवसेनेचे अस्तित्व नाही. भाजपमुळे तुमाने दोन वेळा लोकसभेच्या निवडणुकीत जिंकून आले असा दावा त्यावेळी करण्यात आला होता. त्यामुळे हा मतदारसंघ आम्हाला द्यावा हीअशी मागणी भाजपची होती. दुसरीकडे महाविकास आघाडीत असतानाही उद्धवसेनेने मात्र हा मतदारसं काँग्रेससाठी सोडला होता.
त्याचा फायदा महाविकास आघाडीला झाला आणि तब्बल दहा वर्षानंतर रामटेकमध्ये काँग्रेसचा खासदार निवडून आला. तुमाने यांच्यापूर्वी काँग्रेसचे राष्ट्रीय महासचिव मुकुल वासनिक तसेच माजी पंतप्रधान पी. व्ही नरसिंहराव यांनी रामटेक लोकसभा मतदारसंघातून निवडून आले होते.
२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.