Santosh Deshmukh Case : संतोष देशमुख हत्याप्रकरणात नव्या व्यक्तीची एन्ट्री; आरोपी चाटे आणि केदारच्या जबाबात धक्कायदायक माहिती

Beed News : बीड जिल्ह्यातील मस्साजोग गावचे सरपंच संतोष देशमुख (Santosh Deshmukh Case) यांची हत्या करण्यात आली होती. या निर्घृणपणे हत्या झालेल्या हत्येची आता व्हिडिओ समोर आले आहे. यामुळे पुन्हा एकदा राज्यभर संताप उसळण्याची शक्यता आहे. तर देशमुख यांची हत्या केल्याची कबुली आरोपी सुदर्शन घुले, जयराम चाटे व महेश केदार यांनी दिली होती. आता याच कबुली जबाबात त्यांनी आणखी एक खुलासा केला असून एका व्यक्तीचे नाव घेतलं आहे.

बीड जिल्ह्यातील मस्साजोग गावचे सरपंच संतोष देशमुख हत्याप्रकरणामुळे राज्यातील राजकारण तापलं होतं. यामुळे राजकारणात मोठ्या घडामोडी घडून मंत्री धनंजय मुंडे यांना राजीनामा द्यावा लागला होता. यानंतर आता या प्रकरणात मोठा खुलासा समोर आला आहे. आरोपी चाटे आणि केदार यांनी आपल्या जबाबात देशमुख यांच्या हत्या प्रकरणात नव्या व्यक्तीचा उल्लेख केला आहे.

आरोपी चाटे आणि केदार यांनी आपल्या जबाबात फरार कृष्णा आंधळेने सुदर्शन घुलेच्या अपमानाचा बदला घेण्यासाठीच ही हत्या केल्याचे कबुल केलं आहे. तर देशमुख यांना धडा शिकवायचा असे सांगण्यात आल्याचे चाटे आणि केदारने आपल्या जबाबात म्हटलं आहे.

दोघांच्या कबुली जबाबात मात्र खंडणीचा उल्लेख केलेला नसून अपमानाचा बदला असं म्हटलं आहे. यामुळे ही हत्या खंडणीतून झाली की पूर्व वैमनस्यातून यावरून नवा वाद निर्माण होण्याची शक्यता आहे. आरोपी जयराम चाटे आणि महेश केदारने आपल्या कबुली जबाबात सुग्रीव कराडच्या नावाचा उल्लेख केला आहे.

आरोपी जयराम चाटे आणि महेश केदार यांच्या म्हणण्यानुसार सुदर्शन घुलेला सुग्रीव कराडच्या सांगण्यावरून सरपंच संतोष देशमुख आणि मस्साजोगच्या ग्रामस्थानी मारहाण केली होती. यामुळे घुले आणि वाल्मिक अण्णाची बदनामी झाल्याचा राग त्यांच्या मनात होता. या अपमानाचा बदला घेतल्याचे जबाबात सांगण्यात आले आहे.

कोण आहे सुग्रीव कराड?

सुग्रीव कराड हा केज मधील रहिवासी असून तो देखील गुंड आहे. तो याच्याआधी धनंजय मुंडे आणि वाल्मिक कराड याच्याबरोब काम केलं आहे. लोकसभेपर्यंत खासदार बजरंग सोनवणेंना विरोध केला होता. पण आता सुग्रीव कराड खासदारांचं नेतृत्व मान्य केल्याची चर्चा सुरू आहे. तर सुग्रीव कराड हे राजकीय पटलावरील असून ते पंचायत समितीला आईला निवडून आणले होते. केज नगरपंचायतीच्या वेळी खासदारांच्या मुलीचा पराभव केला होता.