Wardha : "राम आमच्या हृदयात आहे. आम्ही रामाला पहिल्यापासून मानत होतो. पण 'या' मनुवाद्यांचा राम ऐकला. गांधीजींचा राम आम्ही ऐकला नाही. त्यामुळे हे भोगायची वेळ आली आहे. आता भोगावं तर लागणारच," अशी कबुली राज्याचे विरोधी पक्षनेते विजय वडेट्टीवार (Vijay Wadettiwar) यांनी दिली.
"चुका आताही दुरुस्त करता येतील, वेळ गेलेली नाही. चूक दुरुस्त करा आणि पुढे जा," असे आवाहन वडेट्टीवारांनी बेरोजगार तरुणांना केले आहे. देशात बेरोजगारी वाढत आहे, त्याला भाजप जबाबदार असल्याचा आरोप वडेट्टीवारांनी केला आहे. वर्धा येथे कंत्राटी पदभरतीच्या विरोधात सुरू असलेल्या आंदोलनाला वडेट्टीवार यांनी भेट दिली. त्यावेळी ते बोलत होते. भाजपवर त्यांनी सडकून टीका केली.
आता दोन अलिबाबा झाले आहेत...
"हे लुटारूंचे सरकार आहे. परीक्षेसाठी तरुणांकडून पैसे घेतले जात आहेत. पैसे कमविण्याचाच धंदा सरकारने सुरू केला आहे. परीक्षा नाही झाली तर पैसे परत दिले जात नाहीत. व्याजावर व्याज कमविण्याचं काम हे सरकार करीत आहे. पहिले सरकार होते अलिबाबा चाळीस चोर, आता सरकार आहे दोन अलिबाबा ऐंशी चोर... आता दोन अलिबाबा झाले आहेत. राज्याची तिजोरी कोण जास्त लुटतो, यासाठी त्यांच्यामध्ये स्पर्धा सुरू आहे, अशी सडकून टीका त्यांनी केली. 'आपल्याच चुका आहेत, आपणच धर्म जाती-पातीच्या भानगडीत पडलो,' असे ते म्हणाले.
मुख्यमंत्री खोटं बोलत नाहीत...
मुख्यमंत्री एकनाथ शिंदे यांच्यावर वडेट्टीवार यांनी जोरदार टीका केली आहे. "महाराष्ट्रात 21 लोक जे ईडीच्या रडारवर होते. ते सत्तेत गेले म्हणजे सफाई झाली, स्वच्छही झाले. शिंदे काही खोटं बोलले नाहीच, ते अजिबात खोटं बोलत नाहीत. माणसाला शुद्ध करणारी नवीन मशीन आणि पावडर त्यांनी शोधलीय, असं वडेट्टीवार म्हणाले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.