भंडारा जिल्ह्यात भाजपच्या दिवाळी मिलन कार्यक्रमात आमदार परिणय फुके यांनी एका नेत्यावर २० कोटींच्या निविदा बिनमान्यतेने काढून २० टक्के कमिशन घेतल्याचा गंभीर आरोप केला.
या आरोपांनंतर पालकमंत्री पंकज भोयर यांनी सर्व निविदा रद्द केल्याने जिल्ह्यात राजकीय खळबळ माजली आहे.
भाजपने पुढील नगर परिषद व जिल्हा परिषद निवडणुका स्वबळावर लढण्याचा निर्धार केला असून, महायुतीतील तणाव वाढण्याची शक्यता आहे.
Bhandara : स्थानिक स्वराज्य संस्थांच्या निवडणुका जवळ आल्याने भंडारा जिल्ह्याचे राजकीय वातावरण तापायला सुरुवात झाली आहे. भाजपच्या दिवाळी मिलन कार्यक्रमात आमदार परिणय फुके यांनी भंडारा जिल्ह्यातील एका नेत्याने प्रशासकीय मान्यतेशिवाय 20 कोटींच्या निविदा काढल्या, कामाचे वाटप केले आणि 20 टक्के कमिशनही घेतले, असा खळबळजनक आरोप केला. त्यानंतर लगेच पालकमंत्री पंकज भोयर यांनी या सर्व निविदा रद्द केल्या, त्यामुळे येथील नेत्यांमध्ये खळबळ उडाली असून वीस टक्के कमिशन घेणारा तो नेता कोण, याची चर्चा संपूर्ण जिल्ह्यात रंगली आहे.
भंडारा (Bhandra) येथे महसूलमंत्री चंद्रशेखर बावनकुळे, राज्यमंत्री पंकज भोयर यांच्या उपस्थितीत भंडारा भाजप पदाधिकारी व कार्यकर्त्यांचे दिवाळी स्नेहमिलन पार पडले. या कार्यक्रमातील आमदार फुके यांचे भाषण सध्या गाजत आहे. पुढील नगर परिषद, जिल्हा परिषद व पंचायत समिती निवडणुकीपूर्वी फुके यांनी केलेल्या आरोपांमुळे येथे महायुतीत मोठे खटके उडण्याची शक्यता वर्तविली जात आहे.
आमदार परिणय फुके (MLA Parinay Phuke) यांनी भंडारा जिल्ह्यातील चारही नगर परिषदेत भाजपचे नगराध्यक्ष निवडून आणणार, असा निर्धार केला. पुढील काळात नगर परिषदांना मोठा निधी देण्याची मागणी त्यांनी महसूलमंत्री आणि पालकमंत्री यांच्याकडे केली आहे.
भंडारा शहरात अनेक विकासकामे झाली आहेत. मात्र, प्रत्येक कामाचे एका नेत्याने २५ ते ३० टक्के कमिशन खिशात घातले आहे. भंडारा नगर परिषदेत कोट्यवधी रुपयांचा भ्रष्टाचार झाला आहे, त्यामुळे या नगर परिषदेत भ्रष्टाचारमुक्त विकास कामांसाठी भाजपचा नगराध्यक्ष व नगरसेवक निवडून आणणे महत्त्वाचे असल्याचे सांगितले.
नगर परिषदेच्या निवडणुकीत भाजप स्वबळावर लढणार असल्याचे पक्षाच्या नेत्यांच्या भाषणातून स्पष्टपणे दिसून येते. राज्यात महायुतीची सत्ता असली तरी भंडारा जिल्ह्यात तीनही पक्षांच्या नेत्यांमध्ये नेहमीच खटके उडत असतात. त्यातही भाजप आणि शिवसेना यांच्यातील संबंध चांगलेच ताणले गेले आहेत.
Q1. आमदार परिणय फुके यांनी कोणता आरोप केला?
A1. त्यांनी एका स्थानिक नेत्यावर २० कोटींच्या निविदा काढून २० टक्के कमिशन घेतल्याचा आरोप केला.
Q2. फुके यांच्या आरोपांनंतर काय कारवाई झाली?
A2. पालकमंत्री पंकज भोयर यांनी सर्व निविदा तत्काळ रद्द केल्या.
Q3. भाजपने आगामी निवडणुका कशा लढवण्याचा निर्णय घेतला आहे?
A3. भाजपने नगर परिषद निवडणुका स्वबळावर लढवण्याचा निर्णय घेतला आहे.
Q4. या प्रकरणामुळे महायुतीत काय परिणाम होऊ शकतो?
A4. या आरोपांमुळे भाजप आणि शिवसेनेत तणाव वाढून महायुतीत खटके उडण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.