Ajit Pawar Latest News : पहाटेच्या शपथविधीनंतर दुपारचा शपथविधी गाजणार; अजित पवार दुसऱ्यांदा भाजपाबरोबर...

Ajit Pawar News : राष्ट्रवादी काँग्रेसचे (NCP) नेते अजित पवार मागील काही दिवसांपासून पक्षात नाराज असल्याची चर्चा होती. आज सकाळपासून अजित पवारांच्या देवगीरी बंगल्यावर समर्थक आमदारांची बैठक सुरू होती. या बैठकीनंतर पवार राजभवनावर दाखल झाले आहे. त्यामुळे अजित पवार शिंदे-फडणवीस सरकारमध्ये सामील होणार असल्याचे स्पष्ट झाले आहे.

त्यामुळे महाराष्ट्रात पुन्हा एकदा राजकीय भूंकप घडला आहे. अजित पवार (Ajit Pawar) यांनी काही दिवसांपूर्वी मला विरोधी पक्षनेतेपदाच्या जबाबदारीतून मुक्त करा आणि पक्ष संघटनेची जबाबदारी द्या, अशी मागणी केली होती. त्यानंतर अजित पवार राष्ट्रवादी काँग्रेसमध्ये नाराज असल्याच्या चर्चा रंगल्या होत्या.

मात्र, यामुळे पुन्हा एकाद पहाटेच्या शपथविधीनंतर दुपारचा शपथविधी गाजणार आहे. पहाटेच्या शपथविधीवरुन शरद पवार आणि देवेंद्र फडणवीस यांच्यामध्ये आरोप-प्रत्योराप झाले होते. पहाचेच्या शपथविधीनंतर ८० तासात देवेंद्र फडणवीस (Devendra Fadnavis) आणि अजित पवार यांचे सरकार पडले होते. मात्र, आता दुपारी अजित पवार शपथविधी घेणार आहेत, हे स्पष्ट झाले आहे.

अजित पवार यांच्यासोबत जवळपास ४० आमदार आहेत. त्यामुळे राष्ट्रवादीचे अनेक नेते शपथ घेणार असल्याचे बोलले जात आहे. त्यामध्ये अजित पवार, छगन भुजबळ, हसन मुश्रीफही मंत्री होणार असल्याची चर्चा आहे. राजभवणावर खासदार अमोल कोल्हे आणि ज्येष्ठ नेते सुनील तटकरेही उपस्थित आहेत.

शिवसेनेनंतर राष्ट्रवादी काँग्रेसमध्ये मोठी फुट पडली आहे. त्यामुळे त्यामुळे राज्याच्या राजकारणात पुन्हा एकदा भुकंप झाला आहे. मात्र, आता पाहाटेच्या शपथविधीनंतर आता दुपारचा शपतविधी गाजणार आहे.