BJP Congress clash Mumbai : मुंबईमध्ये भाजप-काँग्रेसचे कार्यकर्ते समोरा-समोर; अमित साटम यांच्या कार्यालयाबाहेर राडा

Mumbai News : मुंबईत शनिवारी काँग्रेस-भाजप कार्यकर्त्यामधील वाद चिघळल्याचे पाहवयास मिळाले. भाजप नेते अमित साटम यांच्या कार्यालयाबाहेर शनिवारी अचानक गोंधळ उडाला. काँग्रेसचे कार्यकर्ते मोठ्या संख्येने अमित साटम यांच्या अंधेरी पश्चिम येथील कार्यालयावर मोर्चा घेऊन गेले. यावेळी पोलिसांनी कार्यकर्त्यांची धरपकड केली. काँग्रेस कार्यकर्त्यांनी यावेळी जोरदार घोषणाबाजी केली. भाजप आणि काँग्रेसचे कार्यकर्ते अचानक आमने-सामने आल्यामुळे मोठा राडा झाला. यावेळी दोन्ही बाजूच्या कार्यकर्त्यांनी जोरदार घोषणाबाजी केली.

भाजपचे (BJP) मुंबई अध्यक्ष व आमदार अमित साटम आणि काँग्रेस नेते अस्लम शेख यांच्यात गेल्या काही दिवसापासून एकमेकांवर आरोप-प्रत्यारोप केले जात आहेत. त्यामुळे वातावरण चांगलेच तापले आहे. त्यातच शनिवारी दुपारी अचानक काँग्रेस कार्यकर्ते अमित साटम यांच्या अंधेरी पश्चिम येथील कार्यालयावर मोर्चा घेऊन गेले. यावेळी पोलिसांनी कार्यकर्त्यांची धरपकड केली. यावेळी काँग्रेस कार्यकर्त्यांनी जोरदार घोषणाबाजी केली.

गेल्या काही दिवसांपासून साटम आणि अस्लम शेख एकमेकांवर टीका करीत आहेत. अस्लम शेख यांनी धमकी दिल्याचा आरोप भाजपकडून केला जात होता. त्यानंतर अमित साटम यांनी अस्लम शेख (Aslam Shaikh) यांच्यावर अतिशय टोकदार शब्दांनी टीका केली होती. त्यांच्या याच टीकेनंतर मुंबईतील काँग्रेसचे कार्यकर्ते आक्रमक झाले.

अमित साटम यांच्या अंधेरी पश्चिम येथील कार्यालयासमोर काँग्रेस कार्यकर्त्यांनी यावेळी जोरदार घोषणाबाजी केली. संभाव्य धोका लक्षात घेऊन पोलिसांनी इथे आधीपासूनच बॅरिकेटिंग लावून ठेवले होते. पण तरीही काँग्रेस कार्यकर्ते आंदोलनासाठी आल्यानंतर भाजपचे कार्यकर्तेदेखील समोर आले. यावेळी दोन्ही पक्षांच्या कार्यकर्त्यांनी जोरदार घोषणाबाजी केली.

अचानक झालेल्या या प्रकरणानंतर पोलिसांनी काँग्रेस कार्यकर्त्यांची धरपकड केली. यानंतर परिस्थिती निवाळली. दरम्यान, भाजपचे कार्यकर्ते यावेळी आक्रमक झाले. भाजपच्या कार्यकर्त्यांनी नंतर जोरदार घोषणाबाजी केली. हे कार्यकर्ते घोषणाबाजी करत अमित साटम यांच्या कार्यालयाच्या दिशेला गेली. या सर्व प्रकारामुळे वातावरण चांगलेच तापले होते.