Devendra Fadnavis News: ...म्हणून शरद पवारांचं आग्रहाचं निमंत्रण फडणवीसांनी नाकारले

Devendra Fadnavis to Sharad Pawar :

राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी उपमुख्यमंत्री देवेंद्र फडणवीस यांना भोजनाचे आमंत्रण दिले होते. देवेंद्र फडणवीस हे 2 मार्चला म्हणजे उद्या बारामती दौऱ्यावर आहेत. या दौऱ्याच्या निमित्ताने शरद पवार यांनी पत्राद्वारे निमंत्रण दिले होते. या पत्राला आता देवेंद्र फडणवीस यांनीही पत्राद्वारे उत्तर दिले आहे. शरद पवार यांनी दिलेल्या निमंत्रणाचे देवेंद्र फडणवीस यांनी आभार मानलेत, पण येणे शक्य नसल्याचे फडणवीस यांनी म्हटले आहे.

काय म्हणाले फडणवीस?

आपले पत्र मिळाले. भोजनासाठी आपण निमंत्रित केल्याबद्दल आपला अत्यंत आभारी आहे, पण उपमुख्यमंत्री अजित पवार यांच्या पुढाकारातून बारामतीत नमो महारोजगार मेळाव्याचे आयोजन केले आहे. बारामतीत भरगच्च कार्यक्रम लक्षात घेता आणि इतर कार्यक्रमांमुळे उद्याचा संपूर्ण दिवस व्यस्त असणार आहे. त्यामुळे आपाल्या आग्रही निमंत्रणाला मान देणे या वेळी शक्य होणार नाही, असे उपमुख्यमंत्री देवेंद्र फडणवीस यांनी पत्राद्वारे शरद पवार यांना कळवले आहे.

R