Mahayuti Split : नगरपंचायत, नगरपरिषदेच्या निवडणुकीत भाजप आणि एकनाथ शिंदेंमधील अंतर आणखी वाढत चालले आहे. भाजपकडून शिंदेंच्या शिवसेनेतील पदाधिकारी, कार्यकर्त्यांना पक्षप्रवेश देण्याचा सपाटा लावला होता. त्यामुळे शिंदें नाराज झाले होते. त्यांनी नुकतीच दिल्लीत जाऊन अमित शाहांची भेट घेत आपल्या पक्षातील पदाधिकारी , नेते, कार्यकर्ते फोडले जात असल्याने नाराजी व्यक्त केली होती.
अमित शाहांनी देखील माझे लक्ष आहे, असे सांगितले होते. मात्र, तुमचे पदाधिकारी, कार्यकर्ते सांभाळण्याची जबाबदारी तुमची असल्याचा सल्ला देखील दिला होता, अशी चर्चा होती. शहांच्या भेटीनंतर शिवसेनेतून भाजपमध्ये इन्कमिंग होणार नाही, असे बोलेल जात होते. मात्र, या भेटीचा उपयोग झाला नसल्याची चर्चा आहे. कारण अंबरनाथ नगरपरिषदेमध्ये शिंदेंच्या पक्षातील पदाधिकाऱ्यांनी भाजपमध्ये प्रवेश केला आहे.
शिंदेंच्या शिवसेनेचे पदाधिकारी रुपसिंग धल यांना भाजपने पक्षात प्रवेश दिला. प्रदेशाध्यक्ष रवींद्र चव्हाण यांच्या उपस्थितीमध्ये त्यांनी कमळ होती घेतले.
भाजपच्या महिला पधिकारी रोजनील फर्नांडिस यांनी भाजपची साथ सोडली. त्यांनी एकनाथ शिंदेंच्या शिवसेनेत प्रवेश केला. त्यामुळे भाजपच्या फोडाफोडीला शिंदेंच्या शिवसेने देखील जोरदार प्रत्युत्तर दिल्याचे बोलले जात आहे. मात्र, फोडाफोडीच्या राजकारणामुळे अंबरनाथ, उल्हानगर, बदलापूर या नगरालिकेतील राजकीय वातावरण तापले आहे.
भाजपचे पदाधिकारी नरेंद्र सूर्यवंशी यांनी सांगितले की, रोजलीन फर्नांडिस यांना उमेदवारी हवी होती. त्याना उमेदवारी मिळाली नाही. त्यांची नाराजी म्हणून त्यांनी दुसऱ्या पक्षात जाणे योग्य नाही. नेत्यांची भूमिका नेत्यांनी घ्यावी. परंतू कार्यकर्ते जे करायचे ते करत राहतील.
ठाणे जिल्हा हा एकनाथ शिंदेंचा बालेकिल्ला म्हणून ओळखला जातो. शिवसेनेतील फूटीनंतर देखील ठाणे जिल्ह्यातील शिवसैनिक मोठ्या प्रमाणात शिंदेंसोबत राहिले. मात्र, विधानसभा निवडणुकीत महायुती पुन्हा सत्तेत आल्यानंतर भाजपने मित्र पक्ष शिवसेनेला टार्गेट करण्यास सुरुवात केली आहे. भाजप नेत्यांच्या निशाण्यावर शिंदेंचा बालेकिल्ला असल्याची चर्चा आहे. त्यामुळे ठाणे जिल्ह्यातून मोठा प्रमाणात इन्कमिंग भाजपमध्ये केले जात आहे. शक्य असेल तेथे शिंदेंचे पदाधिकारी आपल्या पक्षात घेत शिवसेनेची ताकद कमी केली जात आहे. तसेच शिवसेनेच्या विरोधात जो उमेदावर सक्षम असेल त्याला भाजप आपल्याकडे घेत शिंदेंना टक्कर देण्याचा प्लॅन करत असल्याचेही बोलले जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.