Maharashtra Politics : 'ईडी, सीबीआयची भीती म्हणून एकनाथ शिंदेंनी टांगा पलटी...', फडणवीसांच्या विश्वासू मंत्र्याने डिवचले

Ganesh Naik News : 2022 ला आम्ही बंड करून उद्धव ठाकरेंचा टांगा पलटी केला, असे म्हणत जाहीर सभांमध्ये उपमुख्यमंत्री एकनाथ शिंदे सांगत असतात. मात्र, त्यांच्या या वक्तव्यावरून भाजपचे मंत्री गणेश नाईक यांनी शिंदेंना डिवचले आहे.

'

तुम्ही ईडीच्या भीतीमुळे टांगा पलटी केला. स्वतःच्या तत्वासाठी नाही केला. टांगा पालटी केला आतामध्ये (तुरुंगात) जाण्याचा जो धोका होता तो टाळण्यासाठी.', असे म्हणत नाईकांनी शिंदेंना डिवचले

तुम्ही टांगा पलटी केला म्हणता मी तुमचा टांगा पलटी आणि घोडे फरार नाही लापता करेल, असे आव्हान देखील नाईकांनी शिंदेंना दिले.

कल्याणचा खासदार भाजपचा होईल

भारतीय जनता पक्षाच्या केंद्रीय नेतृत्वाने ठरवलं तर कल्याणचा आणि ठाण्याचा खासदार देखील भाजपचा होईल. एकनाथ शिंदे म्हणतात की एकनाथ शिंदेंना हलक्यात घेऊ नका पण गणेश नाईकांला हलक्यात घेऊन तुम्ही चूक केली, असे देखील नाईक म्हणाले.

देसाईंचा नाईकांवर पलटवार

2022 ला आम्ही शिंदेंसाहेबांच्या नेतृत्वाखाली ज्यांचा टांगा पलटी केला त्यामुळे गणेश नाईक मंत्री झाले. शिंदेसाहेबांचा टांगा पलटी करण्याचा गोष्टी लांब राहिल्या, आम्ही कार्यकर्तेच नाईकांचा टांगा पलटीच नाही तर फरार करू, असे आव्हान शिवसेनेचे मंत्री शंभूराज देसाई यांनी दिले.