Avinash Bhosale News : उच्च न्यायालयाचा अविनाश भोसलेंना दणका; काय आहे प्रकरण ?

Avinash Bhosale in CBI Jail : पुण्यातील मोठे बांधकाम व्यावसायिक अविनाश भोसले यांना मुंबई उच्च न्यायालयाकडून तातडीने दिलासा देण्यास नकार देण्यात आला. त्यांनी दाखल केलेल्या याचिकेवर ६ जूनपर्यंत सुनावणी तहकूब करण्यात आली आहे. त्यामुळे अविनाश भोसले यांच्या अडचणीत वाढ होताना दिसत आहे. (Avinash Bosale Latest News)

बांधकाम व्यावसायिक अविनाश भोसले (Avinash Bhosale) वर्षभरातपासून 'सीबीआय'च्या (CBI) कैदेत आहेत. त्यांना २६ मे २०२२ रोजी सीबीआयने अटक केली होती. येस बँक-डीएचएफएल यांना अनियमित कर्ज दिल्याचा त्यांच्यावर आरोप ठेवण्यात आला आहे. या घोटाळ्यासंबंधी त्यांना अटक करण्यात आली होती. यानंतर (ED)'ईडी'ने 'मनीलाँड्रिंग'प्रकरणी गुन्हा दाखल करून तपास सुरू केला. त्यावेळेपासून अविनाश भोसले यांच्या अडचणीत वाढ होताना दिसत आहे. सध्या ते कैदेत आहेत.

जामीन मिळण्यासाठी त्यांनी मुंबई उच्च न्यायालयात (High Court) याचिका दाखल केली होती. त्या याचिकेवर सुटीकालीन न्यायालयात सुनावणी झाली. मात्र हे प्रकरण नियमित कोर्टात वर्ग करत जूनपर्यंत या प्रकरणी ६ सुनावणी तहकूब करत तातडीने दिलासा देण्यास नकार दिला. त्यामुळे जूनपर्यंत तरी अविनाश भोसले यांना दिलासा मिळणार नसल्याचे आता स्पष्ट झाले आहे.

अविनाश भोसले हे पुण्यातील मोठे बांधकाम व्यावसायिक आहेत. 'सीबीआय'ने त्यांची ४०.३४ कोटी रुपये किंमतीची स्थावर मालमत्ता जप्त केली होती. विदेशी मुद्रा प्रबंधन अधिनियमांतर्गत पुण्यातील शिवाजीनगर येथील गणेशखिंडमध्ये असलेल्या त्यांच्या एबीआयएल कंपनीच्या मुख्यालयावर 'ईडी'ने ही कारवाई केली होती.

त्यानंतर ३० एप्रिल २०२२ रोजी भोसले यांच्या पुण्यातील एबीआयएल या कार्यालयावर 'सीबीआय'कडून छापा टाकण्यात आला होता. त्यानंतर त्यांना २६ मे २०२२ रोजी अटक करण्यात आली आहे. अविनाश भोसले हे काँग्रेस नेते आणि मंत्री विश्वजीत कदम (Visjwajeet Kadam) यांचे सासरे आहेत.