आम्ही कल्याणमधून निवडणूक लढू म्हणत मोठे-मोठे वाघ फिरत होते. कुठल्या नेत्यांची नावे घेण्यात आली. पण, मोठ मोठ्या वल्गना करणारे आदित्य ठाकरे (Aaditya Thackeray ), वरुण सरदेसाई ( Varun Sardesai ) आणि उद्धव ठाकरे ( Uddhav Thackeray ) कुठे आहेत? या मतदारसंघात झालेला विकास पाहून त्यांची लढण्याची हिंमत झाली नाही, अशी टीका खासदार श्रीकांत शिंदे ( Shrikant Shinde ) यांनी ठाकरेंवर केली आहे.
महायुतीचे उमेदवार म्हणून शिवसेना शिंदे गटाचे खासदार श्रीकांत शिंदे ( Shrikant Shinde ) यांनी कार्यकर्ते, पदाधिकाऱ्यांच्या भेटीगाठी घेण्यास सुरुवात केली आहे. शनिवारी ( 6 एप्रिल ) अंबरनाथ येथे त्यांनी आपल्या कार्यकर्त्यांशी संवाद साधला.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
"आम्ही कल्याणमधून निवडणूक लढू म्हणत मोठ मोठे वाघ फिरत होते. कुठल्या नेत्यांची नावे घेण्यात आली. पण, मोठ मोठ्या वल्गना करणारे आदित्य ठाकरे ( Aaditya Thackeray ), वरुण सरदेसाई ( Varun Sardesai ) आणि उद्धव ठाकरे ( Uddhav Thackeray ) कुठे आहेत? या मतदारसंघात झालेला विकास पाहून त्यांची लढण्याची हिंमत झाली नाही. त्यामुळे कार्यकर्त्याला पुढं करून 'तुम लढो हम कपडा सांभालते है' अशा प्रकारची भूमिका त्यांनी घेतली. पहिल्यापासूनच त्यांचे हे धोरण राहिले आहे," असा हल्लाबोल श्रीकांत शिंदेंनी ठाकरेंवर केला आहे.
भाजप आमदार गणपत गायकवाड यांच्या समर्थकांनी श्रीकांत शिंदे यांचं काम न करण्याची भूमिका घेतली आहे. यावरून श्रीकांत शिंदेंनी आमदार गायकवाड यांच्या समर्थकांना सुनावलं आहे.
"गोळीबार मी करायला लावला नाही. ज्यांनी केला ते शिक्षा भोगत आहेत. निवडणुकीच्या दरम्यान वातावरण खराब करण्याचं काम कोणी करत असतील, तर मला वाटतं ते भाजपचे पदाधिकारी नसतील. पण, भाजपचे पदाधिकारी असतील, तर वरिष्ठांनी त्यांना समज दिली पाहिजे. स्वत:च्या अजेंड्यासाठी सगळ्या गोष्टी होत असतील, तर वरिष्ठांनी लक्ष देणं गरजेचं आहे," असं मत श्रीकांत शिंदे यांनी व्यक्त केलं.
( Edited By : Akshay Sabale )
R
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.