Maratha Andolan : आझाद मैदानात एका आंदोलकाचा जीवन संपवण्याचा प्रयत्न; नेमकं काय घडलं? जाणून घ्या

Maratha Andolan : मुंबईत आझाद मैदानात मराठा आरक्षणासाठी मनोज जरांगे यांच्या नेतृत्वाखाली आंदोलन आणि बेमुदत उपोषण सुरु आहे. शुक्रवारी सकाळपासून या उपोषणाला सुरुवात झाली. त्याच दिवशी रात्री इथं एका आंदोलकानं गळफास घेऊन जीवन संपवण्याचा प्रयत्न केल्याचं वृत्त आहे. या प्रकारामुळं एकच खळबळ उडाली आहे. या व्यक्तीला हा प्रयत्न केला तेव्हा तिथं असलेल्या इतर काही आंदोलकांनी त्याला वाचवलं, त्यामुळं त्याचे प्राण वाचू शकले, अशी माहिती सुत्रांकडून मिळते आहे.

बेमुदत उपोषणाचा आजचा दिवस संपला सरकारनं उद्याच्या दिवसासाठी आंदोलकांना मुदत वाढवून दिली आहे. इतक्या मोठ्या संख्येनं मराठा समाज मुंबईत दाखल झाला पण अद्याप सरकारनं मनोज जरांगे यांनी सरकारसमोर ठेवलेल्या मागण्यांबाबत सरकारनं कोणताही ठोस निर्णय जाहीर केलेला नाही त्यामुळं निराश झालेल्या एका आंदोलक व्यक्तीनं गळफास घेऊन आत्महत्येचा प्रयत्न केला, असं सुत्रांकडून कळतं आहे.

दरम्यान, या प्रकारावर आंदोलक नेते मनोज जरांगे यांनी प्रतिक्रिया दिली आहे. मराठा आंदोलकांनो तुम्हाला जर असं काही करायचं असेल तर मी उपोषण सोडून देईल, असा इशारा यावर मनोज जरांगे यांनी दिला आहे.