Maharashtra Politics Latest News : राष्ट्रवादी युवक (शरद पवार) काँग्रेसचे प्रदेशाध्यक्ष मेहबूब शेख यांच्याविरोधात अखेर ॲट्रॉसिटी अंतर्गत गुन्हा दाखल झाला आहे. या प्रकरणी मरीन ड्राईव्ह पोलीस ठाण्यात मेहबूब शेख यांची चौकशी करण्यात येत होती.
काय आहे प्रकरण?
मुंबईतील आकाशवाणी आमदार निवास येथे राष्ट्रवादीचे आमदार संदीप क्षीरसागर यांच्या खोलीवर काल रात्री मेहबूब शेक हे मुक्कामी होते. यावेळी एक तरुण मद्यधुंद अवस्थेत क्षीरसागर यांच्या खोलीवर येऊन मुक्कामाचा हट्ट करू लागला. यावेळी झालेल्या बाचाबाचीनंतर शिवीगाळ केल्याने मेहबूब शेख यांच्याकडून मारहाण झाल्याचा आरोप फिर्यादी तरुणाने केला आहे.
मेहबूब शेख यांनी जातीवाचक शिवीगाळ करून आपल्याला मारहाण केल्याच्या आरोप तरुणाने केला. तसेच ॲट्रॉसिटी अंतर्गत गुन्हा दाखल करावा, अशी तक्रार फिर्यादीने केली. या प्रकरणी पोलिसांनी मरीन ड्राईव्ह पोलिसांनी मेहबूब शेख यांना चौकशीसाठी बोलावले होते.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
मरीन ड्राईव्ह पोलिस ठाण्यात दुपारी १ वाजेपासून राष्ट्रवादीच्या मेहबूब शेख यांची चौकशी सुरू होती. मिळालेल्या माहितीनुसार ही चौकशी रात्री साडेआठ वाजेपर्यंत सुरू होती. जवळपास सात तासांपासून त्यांची चौकशी करण्यात येत आहे. अखेर पोलिसांनी मेहबूब शेख यांच्याविरोधात ॲट्रॉसिटी अंतर्गत गुन्हा दाखल केला आहे. कलम 324, 506 (2), 294, 34 आणि ॲट्रॉसिटीचा गुन्हा दाखल झाला आहे.
edited by sachin fulpagare
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.