Marathi vs Gujarati : भाजपकडून गुजराती महापौर, मनसे-मराठी समिती आक्रमक; मिरा-भाईंदरमध्ये मोठा ट्विस्ट

Mira-Bhayandar News : नुकत्याच झालेल्या महापालिका निवडणुकांमध्ये भाजपचे वर्चस्व दिसून आले. मुंबईतील निवडूक मराठी विरुद्ध परप्रांतिय या मुद्यावर केंद्रीत झाली होती. मिरी-भाईंदरमध्ये देखील मराठीचा मुद्दा तापला होता. भाजपने मुंबईसह मिरा-भाईंदरमध्ये सत्ता मिळवली. मराठी अस्मितेचा विचार करता भाजपने मराठी महापौर द्यावा, अशी मागणी मराठी एकीकरण समितीने केली होती. मात्र भाजपने त्याला फाटा दिल्याचे दिसते आहे.

मिरा-भाईंदर महापौर पदासाठी डिंपल मेहता यांनी भाजपकडून आपला उमेदवारी अर्ज दाखल केला आहे. डिंपल मेहता या आमदार नरेंद्र मेहता यांची वहिनी आहेत. मात्र, मुळ गुजरातील असलेल्या डिंपल मेहता यांना महापौर पदाचे उमेदवार केल्याने मराठी एकीकरण समिती आक्रमक झाली आहे.

डिंपल मेहता यांची महापौर पदी निवड ही केवळ औपचारिकता राहिली आहे. त्यामुळे मराठी एकीकरण समितीकडून मराठी महापौर देण्यात यावा यावरून आक्रमक भूमिका घेत थेट आंदोलनाचा इशारा दिले आहे. तीन फेब्रुवारी आंदोलन करण्यात येत आहे. या आंदोलनात मनसे आणि शिवसेना उद्धव बाळासाहेब ठाकरे पक्ष देखील सहभागी होणार आहेत.

ध्रवकिशोर पाटील उपमहापौर

ध्रुवकिशोर पाटील हे यांना भाजपकडून उपमहापौर पदाची संधी देण्यात आली आहे. दरम्यान, डिंपल मेहता यांना महापौर म्हणून दुसऱ्यांदा काम करण्याची संधी मिळणार आहे. यापूर्वी देखील त्यांनी मिरा-भाईंदर महापालिकेच्या महापौर पद भूषवले आहे. दरम्यान, मराठी एकीकरण समितीकडून तीन फेब्रुवारीला सुभाचंद्र बोस चौक ते मिरा-भाईंदर महापालिका मुख्यलयापर्यंत उग्र आंदोलन करण्यात येणार आहेत.