Devendra Fadnavis Praised Modi: देशाच्या इतिहासात मोदींचे नाव सुवर्णाक्षरात लिहिले जाईल; फडणवीसांचे गौरवोद्गार

Mumbai News : पंतप्रधान नरेंद्र मोदींचे नाव सुवर्णाक्षरात लिहिले जाईल, असे देवेंद्र फडणवीस यांनी गौरवोद्गार काढले आहेत. आज पंतप्रधान नरेंद्र मोदी यांच्या हस्ते वंदे भारत एक्सप्रेसचे लोकार्पण करण्यात आले. यावेळी उपमुख्यमंत्री देवेंद्र फडणवीस (Devendra Fadnavis) बोलत होते.

फडणवीस म्हणाले, ''कोणी कल्पाना केली नसेल भारतात अशा प्रकारची गाडी धावेल. मात्र, नरेंद्र मोदी यांची ही किमया आहे. त्यांच्यामुळे हे सर्व शक्य झालं. त्यामुळे त्यांचे आभार मानायला हवे'', असं ते म्हणाले.

''वंदे भारत एक्सप्रेस ही शिर्डी आणि सोलापूर या दोन ठिकाणी धावणार आहे. त्यामुळे साईबाबा आणि आई भवानीचा आशीर्वाद मिळणार आहे. महाराष्ट्रातील या ट्रेनच्या प्रकल्पासाठी पंतप्रधान मोदी यांनी तब्बल १३ हजार कोटी दिले.

वंदे भारत ट्रेन ही भाविक आणि प्रवाशांसाठी मैलाचा दगड ठरेल. या प्रकल्पाला पंतप्रधान मोदींनी भरभरून मदत दिल्यामुळे त्यांचे आभार व्यक्त करतो. तसेच पंतप्रधान मोदींचे नाव देशाच्या इतिहासात सुवर्णाक्षरात लिहिले जाईल'', असे गौरवोद्गार देवेंद्र फडणवीस यांनी यावेळी काढले.

दरम्यान, एकनाथ शिंदे (Eknath Shinde) यांनी नरेंद्र मोदी यांना गणपतीची मुर्ती देऊन त्यांचे स्वागत केले. तसेच २२ दिवसात पंतप्रधान नरेंद्र मोदी दुसऱ्यांदा मुंबई दोऱ्यावर आले आहेत. त्यामुळे आगामी निवडणुकींच्या पार्श्वभूमीवर त्यांचा हा दौरा महत्वाचा मानला जात आहे.