Pradeep Purnekar News: प्रदीप पूर्णेकर हत्याकांड: शिवसेनेच्या स्थानिक नेत्यांवर आरोपांचे शिंतोडे, एकनाथ शिंदे दोन आठवड्यानंतर पहिल्यांदाच स्पष्ट बोलले

Thane News: शिवसेना उद्धव बाळासाहेब ठाकरे पक्षाचे ठाण्यातील विभागप्रमुख प्रदीप पूर्णेकर यांना बेसावध असताना क्रूरपद्धतीनं संपवण्यात आलं. त्यांच्या हत्येमुळे ठाणेच नव्हे तर संपूर्ण राज्य हादरलं. धक्कादायक बाब म्हणजे या हत्येप्रकरणी एकनाथ शिंदे यांच्या शिवसेनेच्या स्थानिक नेत्यांवर पूर्णेकर कुटुंबीय तसेच ठाकरेंच्या शिवसेनेकडून गंभीर आरोप करण्यात आले आहेत. त्यामुळे पोलिसांच्या तपासाची सूत्रेही त्याचदिशेनं फिरताना दिसून येत आहे. मात्र, या हत्येप्रकरणात राज्याचे उपमुख्यमंत्री एकनाथ शिंदे यांनी पंधरा दिवसांनंतर पहिल्यांदाच परखड भाष्य केलं आहे.

शिवसेनेचे मुख्य नेते एकनाथ शिंदे यांनी मंगळवारी(ता.13 ऑक्टोबर) माध्यमांशी संवाद साधला. यावेळी त्यांनी महायुतीतील नाराजीनाट्य यांसह प्रदीप पूर्णेकर हत्येप्रकरणीही कठोर भूमिका जाहीर केली आहे. पत्रकार परिषदेवेळी शिंदेंना पूर्णेकर यांच्या हत्येप्रकरणी सवाल करण्यात आला. त्यावेळी ते म्हणाले,"प्रदीप पूर्णेकर यांची हत्या अत्यंत दुर्दैवी आहे.या हत्येप्रकरणातील दोषी आरोपींवर कठोर कारवाई केली जाणार असल्याचं स्पष्ट केलं आहे.

एकनाथ शिंदे यांनी प्रदीप पूर्णेकर हत्येप्रकरणी आपण ठाणे पोलीस आयुक्तांना निष्पक्ष चौकशीचे निर्देश दिल्याचं सांगितलं. या हत्ये प्रकरणात कोणालाही पाठीशी घातलं जाणार नसल्याचंही त्यांनी स्पष्ट केलं आहे. यामुळे येत्या काळात प्रदीप पूर्णेकर हत्येप्रकरणी आरोपांचे शिंतोडे उडवलेल्या गेलेल्या शिवसेनेच्या स्थानिक नेत्यांच्या अडचणी वाढण्याची शक्यता आहे. जाणार नाही. दोषींवरील कठोर कारवाईचा हा शब्द देत शिंदेंनी ठाण्यातील पूर्णेकर कुटुंबाला आधार देत एकप्रकारे आश्वासन देण्याचा प्रयत्न केला आहे.

एकीकडे एकनाथ शिंदेंचा पत्रकार परिषदेत दोषींवर कारवाईचा इशारा अन् दुसरीकडे प्रदीप पूर्णेकर यांच्या हत्याप्रकरणी त्यांचं कुटुंब तसेच उद्धव ठाकरेंच्या शिवसेनेकडून पहिल्यापासून ठाण्याच्या माजी महापौर मिनाक्षी शिंदे आणि त्यांच्या पतीवर गंभीर आरोप करण्यात आलं होतं. ही हत्या शिंदे पती-पत्नीनेच घडवून आणल्याचा आरोप पूर्णेकर यांच्या कुटुंबियांनी केल्याचा आरोप केला आहे.

त्यांचीही चौकशीची जोरदार मागणी करत मोठा मोर्चाही ठाण्यात काढण्यात आला. यानंतर तपासानं वेग घेतला असून अचानक ठाणे क्राइम ब्रँचनं राजेंद्र शिंदे यांना चौकशीसाठी बोलावून घेतलं. तसेच संतोष कनोजिया उर्फ टल्लीसह पाचही आरोपींना समोरासमोर बसवत त्यांची कसून चौकशी ठाणे क्राईम ब्रँचकडून सुरू करण्यात आली आहे.

प्रदीप पूर्णेकर हत्येप्रकरणी एकनाथ शिंदेंच्या शिवसेनेच्या स्थानिक नेत्या मिनाक्षी शिंदे व त्यांचे पती राजेंद्र शिंदे यांनीच घडवून आणल्याचा आरोप पूर्णेकर कुटुंबियांनी केला आहे. त्यांच्या चौकशीची जोरदार मागणी करत मोठा मोर्चाही ठाण्यात काढण्यात आला. यानंतर तपासानं वेग घेतला असून अचानक ठाणे क्राइम ब्रँचनं राजेंद्र शिंदे यांना चौकशीसाठी बोलावून घेतलं.