Mumbai News : काँग्रेसचे ज्येष्ठ नेते आणि महाराष्ट्राचे माजी मुख्यमंत्री अशोक चव्हाण यांनी भाजपमध्ये प्रवेश केला आहे. आता ते भाजपकडून राज्यसभा खासदार म्हणून नवीन राजकीय इनिंग सुरू करण्याची शक्यता आहे. 10 जून 2022 रोजी भाजपने महाराष्ट्रात आपल्या कोट्यापेक्षा एक जागा अधिक राज्यसभेची जिंकली. त्याचीच पुनरावृती होण्याची आता शक्यता आहे. कारण अशोक चव्हाण यांच्यानंतर काँग्रेसचे जवळपास डझनभर आमदारही पक्ष सोडू शकतात, असे बोलले जात आहे. यामुळे राज्यसभेच्या निवडणुकीत नवा ट्विस्ट येण्याची शक्यता आहे. (Latest Marathi News)
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
भाजपकडून अशोक चव्हाण यांना राज्यसभेची उमेदवारी मिळू शकते. राज्यातील रिक्त झालेल्या राज्यसभेच्या एकूण 6 पैकी 3 जागा भाजप जिंकण्याच्या स्थितीत आहे. मुख्यमंत्री एकनाथ शिंदे यांच्या शिवसेनेला एक जागा आणि उपमुख्यमंत्री अजित पवार यांच्या नेतृत्वाखालील राष्ट्रवादीला एक जागा देऊन सर्व जागा महायुतीच्या पारड्यात पाडण्याची योजना सुरू आहे. खरंतर काँग्रेस राज्यसभेची एक जागा जिंकण्याच्या स्थितीत होती. मात्र, आता चव्हाणांच्या जाण्याने काँग्रेस ही जागा जिंकणार का? याबाबत संदिग्धता निर्माण झाली आहे.
राज्यसभा निवडणुकीसाठी उमेदवारी अर्ज भरण्याची शेवटची तारीख 15 फेब्रुवारी असून, त्याआधीच अशोक चव्हाणही अर्ज भरण्याची शक्यता आहे. राज्यसभा निवडणुकीच्या मतांच्या गणिताबाबत बोलायचे झाल्यास राज्यात 285 आमदार आहेत. राज्यसभेच्या प्रत्येक उमेदवाराला निवडणूक जिंकण्यासाठी 42 मतांची आवश्यकता आहे. महाविकास आघाडीचा विचार करता काँग्रेसकडे 44 आमदार आहेत. शिवसेनेच्या उद्धव ठाकरे गटाकडे 16 आणि राष्ट्रवादी काँग्रेस शरद पवार गटाकडे 11 आमदार आहेत, तर दुसरीकडे एनडीएकडे एकट्या भाजपचे 104 आमदार आहेत. एकनाथ शिंदे यांच्याकडे 39, तर अजित पवारांकडे 44 आमदार आहेत.
आता राज्यसभेच्या गणिताबद्दल बोलायचे झाले, तर भाजप सहज 3 जागा जिंकेल. याशिवाय शिंदे यांची शिवसेना आणि अजित पवार यांची राष्ट्रवादी काँग्रेस प्रत्येकी एक जागा जिंकण्याच्या स्थितीत आहेत. काँग्रेस स्वबळावर एक जागा मिळवू शकते.
मात्र, भाजप आणि अशोक चव्हाण यांचा गेम प्लॅन काम करू शकतो. भाजप आणखी एक उमेदवार उभा करू शकतो आणि अशोक चव्हाण यांना पाठिंबा देणाऱ्या डझनभर आमदारांचे क्रॉस व्होटिंग करून भाजपला यश मिळण्याची शक्यता नाकारता येत नाही.
R
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.