Shambhuraj Desai On Raut : ठाकरे-शिंदे गटाच्या दोन नेत्यांमध्ये आरपारची लढाई; थेट नोटीस पाठवणार...

Shambhuraj Desai On Vinayak Raut: शिवसेना ठाकरे गटाचे नेते व विनायक राऊत (Vinayak Raut) यांनी मुख्यमंत्री एकनाथ शिंदे (Eknath Shinde) यांच्या शिवसेनेतील नेते व मंत्री शंभुराज देसाई या दोन नेत्यांमध्ये राजकीय आरोप प्रत्यारोप सुरू आहे. शिंदे गटातील खासदार व आमदार त्यांच्या पक्षात नाराज आहेत, ते लवकरच पक्ष सोडण्याच्या तयारीत आहेत, असा दावा राऊत यांनी केला होता. यावर आता देसाई आक्रमक होत त्यांना इशारा दिला आहे. (Latest Marathi News)

विनायक राऊत यांच्या केलेल्या दाव्यावर आता शंभुराज देसाई आक्रमक झाले असून, राऊतांना ते आता कायदेशीर नोटीस पाठवणार असल्याचे त्यांनी सांगितले. आजच संध्याकाळी ५ वाजेपर्यंत त्यांना नोटीस पाठवण्यात आलेली आहे. शंभूराज देसाईंनी ठाकरे गटाशी संपर्क साधला होता, असा दावा राऊत यांनी केला होता.

शंभूराज देसाई (Shambhuraj Desai) म्हणाले, “विनायक राऊत (Vinaya Raut) यांना दोन दिवसांचा वेळ दिला होता. याबाबत मी माझ्या कायदेशीर सल्लागारांशी बोललो आहे. यानुसार आता पुढील कारवाई करणार आहे. राऊतांनी आज संध्याकाळी पाचवाजेपर्यंत वक्तव्य मागे न घेतल्यास, तर पाच वाजता मी त्यांना नोटीस पाठवणार असे, इशारा त्यांनी राऊतांना दिली आहे.