Sharad Pawar News : अजित पवारांच्या शपथविधीनंतर शरद पवारांची पहिली प्रतिक्रिया; संजय राऊतांशी झाली चर्चा

Ajit Pawar News : राष्ट्रवादी काँग्रेसचे (NCP) नेते अजित पवार यांनी शिंदे-फडणवीस सरकारमध्ये उपमुख्यमंत्री म्हणून शपथ घेतली. त्यानंतर राष्ट्रवादी काँग्रेसचे अध्यक्ष शरद पवार यांची प्रतिक्रिया समोर आली आहे. या संदर्भात संजय राऊत यांनी ट्वीट केले आहे.

संजय राऊत म्हणाले, महाराष्ट्राच्या राजकारणाचे साफ मातेरे करण्याचा विडा काही लोकांनी उचलला आहे. त्यांना त्यांच्या मार्गाने जाऊ द्या. माझे आताच शरद पवार यांच्याशी बोलने झाले आहे. ते म्हणाले, मी खंबीर आहे. लोकांचा पाठिंबा आपल्याला आहे. उद्धव ठाकरे सह पुन्हा सर्व नव्याने उभे करु, होय, जनात हे खेळ फार काळ सहन करणार नाही, असे ट्वीट राऊत यांनी केले आहे.

दरम्यान, त्यामुळे राष्ट्रवादी काँग्रेसचे अध्यक्ष शरद पवार (Sharad Pawar) यांचे निकटवर्तीय समजले जाणारे हसन मुश्रीफ यांनीही मंत्रिपदाची शपथ घेतली आहे. यामुळे सर्वांच्याच भुवया उंचावल्या आहेत. विशेष करुन दिलीप वळसे पाटील आणि छगन भुजबळ, हसन मुश्रीफ यांच्या शपथविधीमुळे मोठ्या प्रमाणात चर्चा रंगली आहे.

आज सकाळपासून अजित पवारांच्या देवगीरी बंगल्यावर समर्थक आमदारांची बैठक सुरू होती. अजित पवार शिंदे-फडणवीस सरकारमध्ये सामील झाले आहेत. महाराष्ट्रात पुन्हा एकदा राजकीय भूंकप घडला आहे. अजित पवार (Ajit Pawar) यांनी काही दिवसांपूर्वी मला विरोधी पक्षनेतेपदाच्या जबाबदारीतून मुक्त करा आणि पक्ष संघटनेची जबाबदारी द्या, अशी मागणी केली होती. त्यानंतर अजित पवार राष्ट्रवादी काँग्रेसमध्ये नाराज असल्याच्या चर्चा रंगल्या होत्या.

मात्र, यामुळे पुन्हा एकाद पहाटेच्या शपथविधीनंतर दुपारचा शपथविधी गाजणार आहे. पहाटेच्या शपथविधीवरुन शरद पवार आणि देवेंद्र फडणवीस यांच्यामध्ये आरोप-प्रत्योराप झाले होते. पहाचेच्या शपथविधीनंतर ८० तासात देवेंद्र फडणवीस (Devendra Fadnavis) आणि अजित पवार यांचे सरकार पडले होते. मात्र, आता दुपारी अजित पवार यांनी शपथविधी घेतली आहे.