Virar : राज्यात सध्या भाजपा शिवसेना युतीत राष्ट्रात मोदी महाराष्ट्रात शिंदे या जाहिरातीवरुन वादाची ठिणगी पडली आहे. याच पार्श्वभूमीवर आरोप प्रत्यारोपांनी राज्याच्या राजकारण चांगलंच तापलं आहे.याचदरम्यान, पालघरच्या राजकारणातून एक मोठी बातमी समोर येत आहे.
पालघर जिल्हा परिषदेमध्ये एकनाथ शिंदे गटाचे प्रकाश निकम हे जिल्हा परिषद अध्यक्ष असताना शिंदे गटाच्या खासदार राजेंद्र गावित(Rajendra Gavit) यांनी जिल्हा परिषदेवर भ्रष्टाचाराचे आरोप केल्याने शिंदे गटातील बेबनाव समोर आला आहे.
पालघरमधील शिंदे गटाचे खासदार राजेंद्र गावित यांनी त्यांच्याच पक्षाच्या हातात असलेल्या जिल्हा परिषदेवर भ्रष्टाचाराचे आरोप करून खळबळ उडवून दिली. भ्रष्टाचाराच्या आरोपाबाबत बोलताना त्यांनी सांगितले की, मोखाड्यासारख्या भागातील शाळांची दुरुस्ती १८ वेळा करण्यात आली. तरी आता परत दुरुस्ती काढण्यात आली आहे. त्याचप्रमाणे शिक्षकांच्या बदल्या ,जलमिशनमध्येही भ्रष्टाचार झाला असल्याचा आरोप गावित यांनी केल्याने पालघर(Palghar)मधील शिंदे गटात खळबळ उडाली आहे.
या भ्रष्टाराचाराबाबत शासनाने चौकशी करण्याची मागणीही त्यांनी केली आहे. राजेंद्र गावित हे मूळचे काँग्रेसचे त्यानंतर त्यांनी भाजप(BJP)मध्ये प्रवेश केला होता. शिवसेनेनं पालघरची लोकसभेची जागा भाजपकडून मागितल्यानंतर गावित यांनी शिवसेनेत प्रवेश करून ही जागा लढविली आणि जिंकली असली तरी ते आजही भाजपा नेतृत्वाच्या जवळ आहेत.
(Edited By Deepak Kulkarni)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.