Ashok Kharat Case: ...अन् मासे खायला द्यायचा! खरातच्या फसवेगिरीचा नवा पॅटर्न समोर

Ashok Kharat Case: स्वयंघोषित ज्योतिषी आणि आध्यात्मिक गुरु अशोक खरात हा भोंदूबाबा असल्याचं त्याच्या आणखी एका फसवणुकीच्या पॅटर्नमुळं समोर आलं आहे. बड्या व्यवसायिकांना मासे खायला देऊन आणि याबाबत अनेक खोट्यानाट्या गोष्टी सांगून फसवणूक केल्याचं समोर आलं आहे. यामुळं चांगलीच खळबळ उडाली असून बड्या व्यावासियांक धाबं दणाणलं आहे.

नेमका विषय काय?

शाकाहारी बड्या व्यावसायिकांना मासे खाण्यासाठी अशोक खरात दबाव टाकत असल्याचं सांगितलं जात आहे. यासाठी मासे म्हणजे पाण्यातील वनस्पती असल्याचं काहीतरी तो सांगायचा. विशेष म्हणजे कट्टर शाकाहारी असलेल्या जैन धर्मीय व्यावसायिकांना त्यांना अशा प्रकारे फसवल्याचं दिसून आलं आहे. एसआयटीच्या तपासात खरातची ही बनवाबनवी समोर आली आहे. अशा प्रकारे खरातची कसून चौकशी सुरु असताना त्यातून दररोज विविध प्रकारचे धक्कादायक गोष्टी उघड होत आहेत.

कशा प्रकारे मासे खायला द्यायचा

मासा हा पाण्यातील वनस्पती असल्याचं सांगून तो लोकांना प्रसाद म्हणून मासे खायला द्यायचा. मासा हा वनस्पती असल्याचं सांगताना मासा कापल्यास रक्त येत नाही तसंच त्याला हाडं नसतात असं तो सांगायचा. बड्या शाकाहारी व्यावसायिकांना अशा प्रकारे प्रसाद म्हणून मासे खायला देऊन त्यानं लाखो रुपये त्यांच्याकडून उकळले आहेत.

त्यामुळं अशोक खरातवर लैंगिक शोषणाचे गंभीर गुन्हे दाखल असताना त्याच्या या फसवेगिरीचे अनेक नवं नवे खुलासे होत आहेत, यावरुन तो फसवेगिरीच्या गुन्हेगारांचा कॅप्टन असल्याचं म्हणता येईल.