Maratha Reservation : नरेंद्र पाटलांचा सरकारला घरचा आहेर; दिला 'हा' इशारा...

Mumbai News : मनोज जरांगे यांनी मराठा आरक्षणासाठी सरकारविरोधात आंदोलन उभा केले. त्यानंतर सरकारकडून शिंदे समितीची स्थापना करण्यात आली. मागील दोन महिन्यांपासून या शिंदे समिती सर्वेक्षणाचे काम करत आहे. याच शिंदे समितीच्या सर्वेक्षणाच्या कामकाजावर अण्णासाहेब पाटील आर्थिक विकास महामंडळाचे अध्यक्ष व माजी आमदार नरेंद्र पाटील यांनी आक्षेप घेतला आहे.

माथाडी कामगार मराठा नसल्याचा उल्लेख शिंदे समितीच्या सर्वेक्षणात केला आहे. सरकारने यात तत्काळ सुधारणा करावी, अशी मागणी त्यांनी केली आहे; अन्यथा आपण रस्त्यावर उतरणार असल्याचा इशारा देण्यात आला आहे. त्यामुळे नरेंद्र पाटील यांनी सरकारला घरचा आहेर दिला आहे.

नवी मुंबईत माथाडी भवन येथे मराठा आरक्षणाबाबत आयोजित बैठकीत नरेंद्र पाटील म्हणाले, "माथाडी कामगार मराठा नसेल तर अण्णासाहेब पाटील यांनी उभारलेल्या मराठा आरक्षण लढ्यात माथाडी कामगार त्यांच्या पाठीमागे उभा राहिलाच कसा ?, असा सवाल नरेंद्र पाटील यांनी उपस्थित केला आहे. त्यामुळे सरकारने तत्काळ सेर्व्हेमध्ये सुधारणा कराव्यात, अन्यथा आम्हाला रस्त्यावर उतरून आंदोलन करावे लागेल.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

दिलेला शब्द पाळावा...

मराठा आरक्षणाबाबत सरकारने काढलेल्या अध्यादेशाची तत्काळ अंमलबजावणी करण्याच्या मागणीसाठी मनोज जरांगे यांनी पुन्हा एकदा अंतरवाली सराटीमध्ये आमरण उपोषण सुरू केले आहेत. तीन दिवसांपासून त्यांचे उपोषण सुरू असून, त्यांनी पाणीसुद्धा घेतलेले नाही. त्यामुळे त्यांची प्रकृती खालावत आहे.

मराठा आरक्षणाचा प्रश्न विधिमंडळाच्या विशेष अथवा अर्थसंकल्पीय अधिवेशनात सोडवावा, मराठा समाजाचा ओबीसीत समावेश होण्यासाठी जरांगे यांना दिलेला शब्द सरकारने पाळावा व सगेसोयरे अधिसूचनेचे विधेयक मराठा समाजाने सुचविलेल्या बदलासह अधिवेशनात मंजूर करून घ्यावे. तसेच 'मराठा युवकांच्या कल्याणासाठी आण्णासाहेब पाटील महामंडळाचे काम काटेकोरपणे सुरू असून, आपल्या सूचना व मागण्या आहेत, त्याचीही पूर्तता करून सोडवणूक करण्यासाठी मी नेहमीच कटिबद्ध राहीन,' असे त्यांनी सांगितले.

R