Video Badlapur Rape Case : मोठी बातमी! बदलापूर प्रकरणानंतर सरकार 'अ‍ॅक्शन मोड'मध्ये, गृह सचिवपदी 'हा' बडा अधिकारी

Iqbal Chahal News : बदलापूरमध्ये लहान मुलींच्या लैंगिक शोषणाचा प्रकाराची गंभीर दखल मुंबई हायकोर्टाने घेतली आहे. आज (गुरुवारी) या प्रकरणावरून पोलिस आणि राज्य सरकारला हायकोर्टाने खडेबोल सुनावले. त्यामुळे राज्य सरकार खडबडून जागे झाले आहे.

हायकोर्टाच्या सुनावणीच्या पार्श्वभूमीवरती इक्बाल चहल यांची गृह खात्याच्या अवर मुख्य सचिव पदी नियुक्ती करण्यात आली आहे. तसेच चहल यांनी तत्काळ कार्यभार स्वीकारावा, असा आदेश देखील राज्य सरकारकडून देण्यात आला आहे.

बदलापूरमध्ये मुलींवर लैंगिक अत्याचाराची घटना उघडकीस आल्यानंतर हायकोर्टाने सुमोटो दाखल करत या प्रकरणाची आज सुनावनी घेतली. पोलिस, शाळा प्रशासना आणि राज्य सरकारने केलेल्या चुकांवर कोर्टाने बोट ठेवतं नागरिक रस्त्यावर उतरवल्यावर एसआयटी नेमणार का?, असे खडे बोल सुनावले.

लैंगिक अत्याचाराच्या घटनेनंतर राज्यात कायदा सुव्यवस्था नसल्याची टीका विरोधकांनी केली आहे. तर, बदलापूरमध्ये झालेल्या आंदोलनामागे विरोध असल्याचा आरोप मुख्यमंत्री एकनाथ शिंदे यांनी केला. तर, मुख्यमंत्र्यांना यामागे राजकारण दिसत असेल तर ते विकृत मानसिकतेचे आहेत, असा पलटवार उद्धव ठाकरे यांनी केला होता.

पोलिसांवर कारवाईची मागणी

न्यायालयाने सुनावणी दरम्यान पोलिसांना त्यांच्या 'सद्रक्षणाय खलनिग्रहणाय' या ब्रीदवाक्याची आठवण करुन दिली. तर, पोलिस दबावाखाली काम करत असतील तर त्यांच्यावर दबाव आणणाऱ्या आणि दबावात काम करणाऱ्या पोलिसांवर कारवाई करायला हवी, अशी मागणी उद्धव ठाकरे यांनी केली.