Pune News: पुणेकरांसाठी सर्वात मोठी बातमी: बकरी ईदनिमित्त वाहतुकीत महत्त्वाचे बदल, 'हे' प्रमुख रस्ते असणार बंद

Pune News : पुणे शहरातील वाहुतककोंडी नेहमीच डोकेदुखीचा विषय ठरत असतो. आता याचदरम्यान,पुणेकरांसाठी महत्त्वाची बातमी समोर आली आहे. मुस्लिम बांधवांच्या बकरी ईद या सणानिमित्त दरवर्षीप्रमाणे यावर्षीही पुण्यातील गोळीबार मैदान परिसरात असणाऱ्या ईदगाह मैदानावर सामूहिक नमाज पठण केले जाणार आहे. त्यामुळे पुणे (Pune) शहरातील वाहतुकीत महत्वाचे बदल करण्यात आले आहेत.

पुणे शहरातील काही मुख्य रस्ते सकाळी सहा वाजण्यापासून ते नमाज पठण पूर्ण होईपर्यंत बंद राहणार आहे. त्यामुळे कामानिमित्त घराबाहेर पडणाऱ्या पुणेकरांनी गैरसोय टाळण्यासाठी पर्यायी मार्गांचा वापर करावा असं आवाहन पुणे वाहतूक पोलिसांकडून करण्यात आलं आहे.

पुण्यात बकरी ईदमुळे प्रमुख रस्त्यावरील वाहतुक (Traffic) वळविण्यात आली आहे. सेवन लव्ह चौक आणि गोळीबार मैदान भागात प्रवास करताना शक्यतो पर्यायी मार्ग वापरण्यात आले तर मानसिक त्रास कमी सहन करावा लागण्याची शक्यता आहे. पीएमपीएमएल बस,मालवाहू गाड्या यांसह इतर जड वाहनांनासाठी महत्त्वाची अपडेट समोर येत आहे.

लुल्लानगर चौकातून गोळीबार मैदानाकडे जाण्यासाठी पुणे वाहतूक पोलिसांनी पूर्णत:बंदी असणार आहे. त्यांना लुल्लानगर चौकातून भैरोबा चौक किंवा गंगाधाम मार्गे पुढे जाता येणार आहे. त्याचवेळी भैरोबा चौकातून गोळीबार मैदानाकडे जाणारी वाहतूक सकाळी ६ पासून बंद असणार आहे.

यावेळी पुणे पोलिसांनी पर्यायी मार्ग म्हणून स्वारगेटकडे जाण्यासाठी प्रिन्स ऑफ वेल्स रोड-लुल्लानगर चौक मार्गे तर पुणे रेल्वे स्टेशनला जाण्यासाठी इम्प्रेस गार्डन रोडचा वापर करण्याची माहिती दिली आहे.

जुनी सोलापूर रस्ता चौकी चौक ते गोळीबार मैदान हा रस्ता बंद राहणार असून खाणे मारुती चौकाकडून येणारी वाहतूक पूलगेट डेपो - सोलापूर बाजार चौक - खटाव बंगला मार्गे या पर्यायी मार्गांचा असणार आहे.

मम्मादेवी चौकातून गोळीबार मैदानाकडे जाणारा रस्ता बंद राहणार असल्यामुळे त्या परिसरातून बिशप स्कूल किंवा कमांड हॉस्पिटलच्या जवळून तुम्हाला तुमच्या नियोजित स्थळी पोहचता येणार आहे.