Jain Boarding Land Video: मोठी बातमी! जैन बोर्डिंग जमीन व्यवहाराला स्थगिती, धर्मादाय आयुक्तांचा निर्णय

Jain Boarding News : पुण्यातील जैन बोर्डिंग व्यवहार प्रकरणी मोठी अपडेट समोर आली आहे. संचालकांनी गैरव्यवहार करत ही जमीन अवघ्या 270 कोटी रुपयांना विकल्याचा आरोप जैन बांधवांनी केला होता. या प्रकरणी पुणे जिल्हाधिकारी कार्यालयावर मोर्चा देखील काढण्यात आला होता.

आज (सोमवारी) जैन बोर्डिंगच्या जागेच्या व्यवहार संदर्भात मुंबई येथे तातडीची सुनावणी पार पडली. धर्मादाय आयुक्त अमोघ कलोटी यांनी या प्रकरणात परिस्थिती 'जैथे थे' ठेवण्याची म्हणजे 'स्टेटस्को' आदेश दिले आहेत. त्यामुळे या जागेच्या विक्रीला ब्रेक लागल्याची चर्चा आहे.

दरम्यान, या व्यवहारासाठी कर्ज मंजूर करणाऱ्या बँकांनी देखील मोठा निर्णय घेत बुलढाणा अर्बन बँकेने डीडीआरला पत्र देऊन आपला बोजा कमी करण्याची विनंती केली आहे. तर, त्यामुळे बँकांनी दिलेले कर्ज परत घेण्याची तयारी सुरु केल्याचे दिसत आहे.

दरम्यान, खासदार सुप्रिया सुळे यांनी ट्विट करत मुख्यमंत्री देवेंद्र फडणवीस यांच्याकडे या प्रकरणी चौकशीची मागणी केली होती. एवढ्या घाईघाईने या जागेच्या विक्रीचा निर्णय घेण्यात का आला, हा प्रश्न समाजाला पडला आहे. सार्वजनिक चॅरिटेबल ट्रस्टच्या घटनेत कुठेही जागा विक्रीबाबत तरतूद केलेली नाही. तरीसुद्धा या जागेच्या विक्रीस परवानगी देण्यात आली, यामागे नक्की कोणाचे हितसंबंध आहेत हे उघड व्हायला हवे, असे त्यांनी म्हटले होते.