Supriya Sule on Ajit Pawar Death: उपमुख्यमंत्री, अर्थमंत्री तथा पुण्याचे पालकमंत्री अजित पवार यांचा भीषण विमान अपघातात मृत्यू झाला आहे. आज सकाळी ८.५० वाजता ही दुर्घटना घडली. राष्ट्रवादी काँग्रेस शरदचंद्र पवार पक्षाच्या कार्यकरारी अध्यक्षा आणि खासदार सुप्रिया सुळे यांनी आपल्या लाडक्या दादाच्या निधनावर तीव्र भावना व्यक्त केल्या आहेत. त्यांनी आपल्या व्हॉट्सअॅप स्टेटसमधून आपल्या भावना व्यक्त केल्या आहेत.
विमान अपघात घडला तेव्हा सुप्रिया सुळे, शरद पवार हे दिल्लीत होते. कारण संसदेच्या अर्थसंकल्पीय अधिवेशनाला आजपासून सुरुवात झाली आहे, १ तारखेला बजेट सादर होईल. त्यानिमित्त महाराष्ट्रातील सर्वच खासदार मंडळी सध्या दिल्लीत आहेत. पण अजित पवारांच्या विमानाच्या अपघाताची बातमी कळताच सुप्रिया सुळे आणि शरद पवार हे दिल्लीतून बारामतीकडं रवाना झाले आहेत. पण प्रवासादरम्यान त्यांनी आपल्या व्हॉट्सअॅपला ठेवलेल्या स्टेटसमुळं त्यांच्या तीव्र भावना समोर आल्या आहेत.
Devasted! अर्थात उद्ध्वस्त अशा भावना त्यांनी व्हॉट्सअॅप स्टेटसच्या माध्यमातून व्यक्त केल्या आहेत. अजित पवार हे सुप्रिया सुळेंचे लाडके दादा होते. त्यामुळं आपला भाऊ गेल्याचं दुःख त्यांना अनावर झालं आहे. केवळ आपल्या स्टेट्सच्या माध्यमातून त्यांनी आपल्या भावना व्यक्त केल्या आहेत. केवळ सुप्रिया सुळेच नव्हे तर पवार कुटुंबासह दोन्ही राष्ट्रवादी काँग्रेसचे सर्व आमदार आणि खासदार यांच्या भावना दाटुन आल्या होत्या. सर्वजण हमसून हमसून रडतानाचे माध्यमांधून व्हिडिओ समोर आले आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.