Dilip Khedkar Case Update : मोठी बातमी! दिलीप खेडकर यांना मोठा दिलासा; अटकपूर्व जामीन अर्ज मंजूर

Pune News : प्रशिक्षणार्थी IAS अधिकारी पूजा खेडकर यांच्या अडचणी संपत नसताना त्यांचे वडील दिलीप खेडकर यांच्यासाठी दिलासादायक बातमी आली आहे. उत्पन्नापेक्षा अधिक संपत्ती जमावल्यामुळे लाचलुचपत विभागाच्या निशाण्यावर असलेल्या दिलीप खेडकर यांना न्यायालयाने अटकपूर्व जामीन मंजूर केला आहे.

वादग्रस्त ट्रेनी आयएएस (IAS) अधिकारी पूजा खेडकर यांच्या आई मनोरमा खेडकर यांना नुकतीच पोलिसांनी अटक केली. मनोरमा यांच्यानंतर दिलीप खेडकर यांच्यावर देखील अटकेची टांगती तलवार होती. मात्र, न्यायालयाने खेडकर यांना अटकपूर्व जामीन अर्ज मंजूर करत तात्पुरता दिलासा दिला आहे.

दिलीप खेडकर हे महाराष्ट्र प्रदूषण नियंत्रण मंडळात अधिकारी होते. वडील क्लास वन अधिकारी असूनही पूजा खेडकर (Pooja Khedkar) यांनी ओबीसी कोट्यातून प्रवेश घेतला.2024 ची लोकसभा निवडणूक वंचित बहुजन आघाडीकडून अहमदनगरमधून लढवली होती.

त्यावेळी अर्ज दाखल करताना संपत्तीबाबतच्या प्रतिज्ञापत्रात त्यांनी 40 कोटी रुपयांची मालमत्ता असल्याचं प्रतिज्ञापत्रात जाहीर केलं होतं. त्यामुळे दिलीप खेडकर यांची चौकशी होणार आहे.

पूजाचे वडील दिलीप खेडकर यांच्याविरुद्ध लाचलुचपत प्रतिबंधक विभागाने बेहिशोबी मालमत्तेची प्रकरणी चौकशी सुरू केली आहे. दिलीप खेडकर हे ही आयएएस राहिले असून सेवेत असताना त्यांना भ्रष्टाचाराच्या आरोपांवरून दोनदा निलंबित करण्यात आले होते.

दिलीप खेडकर गेल्या वर्षी 31 मे 2023 रोजी महाराष्ट्र प्रदूषण नियंत्रण मंडळच्या संचालकपदावरून निवृत्त झाले होते. यानंतर त्यांनी राजकीय क्षेत्रात एन्ट्री घेत लोकसभा निवडणुकही लढवली होती.