Pune News : महापालिका निवडणुकीच्या निकालाला आठवडा उजाडण्यापूर्वीच नगरसेविकांच्या आधी त्यांच्या पतींनीच कारभार हातात घेण्यास सुरुवात केली आहे. महापालिकेच्या खराडी-वाघोली भागातील एका नगरसेविकेच्या पतीने स्वच्छतेसंदर्भातील आढावा बैठकीत अधिकाऱ्यांची शाळा घेतली. त्यामुळे नगरसेवक बायको झाली नामधारी अन् पतीच झाले कारभारी' असे चित्र पाहायला मिळाले आहे', अशी चर्चा सुरू झाली आहे.
पुणे महापालिकेच्या निवडणुकीत यंदा सर्वाधिक 87 महिला नगरसेविका निवडून आल्या आहेत. त्यातच आत महिला आरक्षण पडल्याने महापौर देखील महिलाच असणार आहे.
महिलांना राजकीय आणि सामाजिक क्षेत्रात पुरुषांच्या समान दर्जाने काम करण्याची संधी मिळावी, या उद्देशाने स्थानिक स्वराज्य संस्थांमध्ये महिलांसाठी ५० टक्के आरक्षण देण्यात आले आहे. या उपाययोजनांमुळे महिलांचे सक्षमीकरण होईल, अशी अपेक्षा आहे. पण प्रत्यक्षात पुरुषी मानसिकता अजूनही कायम असल्याचे दिसून येत आहे.
वाघोली परिसरात महापालिका कर्मचाऱ्यांनी नवनिर्वाचित नगरसेवकांच्या सत्कार समारंभ आयोजन केले होते. या कार्यक्रमानंतर या नगरसेविकेने स्वच्छतेचा आढावा घेतला. मात्र, संपूर्ण बैठकीत नगरसेविका मात्र गप्प होत्या आणि त्यांचे पती महोदय मात्र सर्व बैठकीचा आढावा घेत स्वच्छतेवरून अधिकाऱ्यांची शाळा घेताना पहिला मिळाले.
सोशल मीडियावर या बैठकीचे व्हिडीओ व्हायरल झाल्यानंतर हा प्रकार समोर आला असून त्यामुळे नगरसेविका म्हणून निवडून आलेल्या महिलांना स्वतंत्र काम करण्याची संधी मिळणार का? असा प्रश्न उपस्थित केला जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.