Pune rave party case : राष्ट्रवादी काँग्रेस पार्टी शरदचंद्र पवार पक्षाचे जेष्ठ नेते आमदार एकनाथ खडसे यांचे जावई प्रांजल खेवलकर याला रेव्ह पार्टीत अटक करण्यात आली आहे. प्रांजल हा राष्ट्रवादी काँग्रेस पार्टी शरदचंद्र पवार पक्षाच्या महिला प्रदेशाध्यक्षा रोहिणी खडसे यांचे पती आहेत.
प्रांजल खेवलकर याला पुणे शहरातील खराडी परिसरातील एका सोसायटीमध्ये रेव्ह पार्टी केल्याप्रकरणी गुन्हे शाखेकडून करण्यात आलेल्या कारवाई दरम्यान अटक करण्यात आली. या घटनेमुळे राजकीय वर्तुळात खळबळ उडाली असून, त्यावर प्रतिक्रिया सुरू झाल्या आहे. पक्षाचे सरचिटणीस तथा आमदार रोहित पवार यांनी या कारवाईमागे सत्ताधाऱ्यांच्या कार्यपद्धतीवर शंका घेत प्रतिक्रिया दिली.
रोहित पवार यांनी पुण्यातील (PUNE) रेव्ह पार्टी संदर्भात ट्विट करत भाष्य केले आहे. 'पुण्यातील कथित रेव्ह पार्टी प्रकरणात पोलिस तपास आणि न्याय वैद्यकीय चाचणीत सत्य समोर येईलच, परंतु हनी ट्रॅप प्रकरणात सरकारला अडचणीत आणणाऱ्या खडसेसाहेबांच्या कुटुंबाच्या बाबतीत राजकीय हिशोब चुकता करण्यासाठी तर केलं जात नाही ना, हेही बघितलं पाहिजे', अशी शंका रोहित पवार यांनी उपस्थित केली.
'कुणी दोषी असेल, तर कायदेशीर कारवाई झालीच पाहिजे. परंतु हे राजकीय षडयंत्र असेल, तर मात्र हे अत्यंत चुकीचं आणि राजकारणाचा स्तर खालच्या पातळीवर गेल्याचं लक्षण आहे, असेही रोहित पवार (Rohit Pawar) यांनी म्हटले आहे.
प्रांजल खेवलकर आणि त्यांच्याबरोबर असलेले पाच पुरूष आणि दोन महिलांना रेव्ह पार्टी करत असल्याची खबर पोलिसांना मिळाली होती. खराडी परिसरातील एका सोसायटीमध्ये ही रेव्ह पार्टी रंगली होती. पुणे पोलिसांच्या पथकाने या रेव्ह पार्टीवर छापा घातल्यानंतर तिथं दारू, गांजा आणि हुक्का, असे नशेचे साहित्य जप्त केले. रेव्ह पार्टी प्रकरणात जावई सापडल्याने एकनाथ खडसेंवर टीका होत आहे.
या कारवाईवर एकनाथ खडसे यांनी, हे होणारच होतं, हे मला माहीत आहे. यामागे अप्रत्यक्षपणे कोणीतरी हे षडयंत्र रचल्याचा आरोप केला आहे. खडसे यांच्या या प्रतिक्रियेवर त्यांचे कट्टर विरोधक भाजप मंत्री गिरीश महाजन यांनी जोरदार प्रत्युत्तर दिलं आहे.
मंत्री महाजन म्हणाले, "हा ट्रॅप होणार हे खडसेंना माहिती होतं, तर त्यांनी आपल्या जावयांना तसं सांगायचं होतं. त्यांना अलर्ट करायचे होते, खडसे यांचे जावई हे कोणी लहान नाहीत, त्यांना कडेवर उचलून तिथे ठेवले नाही, या प्रकरणात चौकशी होणे गरजेचे आहे".
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.