माळेगाव बुद्रुक (ता. बारामती): सहा महिन्यांपूर्वी माळेगाव सहकारी साखर कारखाना निवडणुकीत ताणलेल्या राजकीय समीकरणांना आता नगरपंचायतीच्या निवडणुकीत अचानक मिळालेल्या मैत्रीच्या सुरांनी बारामती तालुक्यातील राजकारणाला नवा रंग मिळाला आहे.
उपमुख्यमंत्री अजित पवार आणि त्यांचे कट्टर विरोधक व माळेगाव साखर कारखान्याचे माजी अध्यक्ष रंजन तावरे यांच्यात मनोमिलन झाले.
नगरपंचायत निवडणुकीत राष्ट्रवादी कॉंग्रेस व भाजप पुरस्कृत आघाडीची घोषणा झाली.याचा फटका मात्र माजी सरपंच दीपक तावरे यांना बसला आहे. दीपक तावरे यांना राष्ट्रवादीने तिकीट देण्यास नकार दिला आहे. मात्र,अजितदादा आणि रंजन तावरे यांच्या पॅनेलच्या विरोधात राष्ट्रवादी काँग्रेस शरदचंद्र पवार पक्षाचे उमेदवार आणि अपक्ष उमेदवार रिंगणात आहेत.
माळेगावात नगराध्यक्षपदासाठी एकूण १० उमेदवारी अर्ज दाखल झाले आहेत. त्यामध्ये पवार-तावरे पॅनेलचे अधिकृत उमेदवार सुयोग सातपुते (राष्ट्रवादी काँग्रेस पक्ष) यांच्या नावाची घोषणा करण्यात आली, तर आमचा नगराध्यक्षपदाचा उमेदवार दोन दिवसांत जाहीर होईल, असे शरद पवार पक्षाचे शहराध्यक्ष नितीन तावरे यांनी सांगितले आहे.
राष्ट्रवादी काँग्रेसला नगराध्यक्षपदासह बारा जागा, तर तावरे यांच्या जनमत विकास आघाडीला सहा जागा मिळाल्या. हा आमचा फॉर्म्युला सुपरहिट ठरेल आणि नगराध्यक्षपदासह आघाडीचे १७ प्रभागातील १७ उमेदवार निवडून येतील, असा विश्वास राष्ट्रवादीचे तालुकाध्यक्ष संदीप बांदल यांनी व्यक्त केला आहे.
राष्ट्रवादी कॉंग्रेसचे उमेदवार नगराध्यक्षपदाचे उमेदवार : सुयोग श्‍यामराव सातपुते.
रंजन तावरे गटाचे उमेदवार प्रमोद तावरे (प्रभाग १४), जयदीप विलास तावरे (प्रभाग ११), प्रतिभा सस्ते (प्रभाग १), लियाकत तांबोळी (प्रभाग ४), जयपाल भोसले (प्रभाग ६), गौरव भुंजे (प्रभाग २).
राष्ट्रवादी कॉंग्रेसचे उमेदवार - संगीता जाधव (प्रभाग ३), सोनाली रासकर (प्रभाग ५), वृषाली तावरे (प्रभाग ८), अॅड. गायत्री तावरे (प्रभाग ९), भाग्यश्री कदम (प्रभाग १०), शशिकांत तावरे (प्रभाग १२), अविनाश तावरे (प्रभाग १३), जयदीप दिलीप तावरे (प्रभाग १५), साधना वाघमोडे (प्रभाग १७), प्रांजली येळे (प्रभाग १६), शीतल खरात (प्रभाग ७).
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.