Pune, 26 July : आदिवासी समाजाच्या प्रश्नावर जुन्नर येथे शासकीय बैठकीचे आयोजन करण्यात आले होते. त्या बैठकीत बोलताना उपमुख्यमंत्री एकनाथ शिंदे यांच्या नेतृतवाखालील शिवसेनेला पाठिंबा देणारे अपक्ष आमदार शरद सोनवणेंची जीभ घसरली. ‘खात्याला मूर्ख मंत्री भेटला आहे, चोर साला, चुXXX...’ असे शब्द आमदार सोनवणेंनी मंत्र्याबद्दल उच्चारले आहेत. या विभागाच्या कामाबाबत बोलताना आमदार सोनवणे यांचे भान सुटल्याचे त्यांच्या व्हायरल व्हिडिओवरून दिसून येत आहे. त्याचा उपमुख्यमंत्री अजित पवार यांनी एकाच वाक्यात समाचार घेतला आहे.
खात्याला मूर्ख मंत्री भेटलाय...चुXXX निव्वळ....चोर साला...बघतो आता मुख्यमंत्र्यांसमोर उभं करणार आहे. ह्यांचीही पण चांगलीच नीट करणार आहे. आम्ही काय कोणाला बांधील आहे का? या शरद सोनवणेने किती अधिकाऱ्यांना भिकेला लावले आहे, हे यांना माहिती आहे. जनता महत्वाची आहे, अधिकारी नाही. अधिकारी राहील, नाही राहिल. पण जनता महत्वाची आहे, अशी विधाने आमदार शरद सोनवणे (Sharad Sonawane) यांनी केली आहेत.
दरम्यान, आपण ही विधाने मंत्र्यांना (Minister) उद्देशून केलेली नाहीत, तर घोडेगाव आदिवासी विकास प्रकल्प कार्यालयाच्या अधिकाऱ्यांबद्दल बोललो आहे. आदिवासी विकास प्रकल्प अधिकारी प्रदीप देसाई हे समाजाच्या हिताचे काम करत नाहीत. त्यांच्या विरोधात तक्रारीही आहेत, असे आमदार सोनवणे यांनी म्हटले आहे.
सत्ताधारी आमदार शरद सोनवणे यांनी केलेल्या विधानाबाबत उपमुख्यमंत्री अजित पवार यांनी तीव्र शब्दांत नापसंती व्यक्त केली. ते म्हणाले, हे महाराष्ट्राच्या दृष्टीने फार महत्वाचे आहे का? मी कायम हेच सांगतोय. विकासबाबत मी सकाळपासून बोलतोय, ते दिलं सोडून आणि आमक्याने असं म्हटलं विचारता. काही काही लोक विकृत असतात. त्यांना प्रत्येकाला उत्तर देत बसलो तर मला दिवस पुरायचा नाही.
आपला महाराष्ट्र हा (स्व.) यशवंतराव चव्हाण यांच्या विचाराने चालला आहे. कोण कसं बोलतंय, हे जनता बघत असते. जे योग्य बोलत नाहीत, त्यांची दखल घेण्याचे कारण नाही. आम्ही या कानाने ऐकून त्या कानाने सोडून देऊ. चांगल्या गोष्टीला उत्तर देण्यासाठी मी बांधील आहे, असेही अजित पवार यांनी स्पष्ट केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.