Diwali Bonus: दिवाळीपूर्वी पिंपरी चिंचवड महापालिकेच्या कर्मचारी आणि अधिकाऱ्यांसाठी महापालिका प्रशासनाने एक गुड न्यूज दिली आहे. दरवर्षी महापालिकेच्या कर्मचाऱ्यांना दिवाळी बोनस दिला जातो.
यंदाही महापालिकेकडून कर्मचाऱ्यांना दिवाळी बोनस जाहीर करण्यात आला आहे. अधिकारी व कर्मचाऱ्यांना 65 कोटी रुपयांचा बोनस मिळणार असल्याने त्यांच्यात आनंदाचे वातावरण आहे.महापालिकेतील सर्वच विभागातील अधिकाऱ्यांना व कर्मचाऱ्यांना दिवाळी बोनसचा लाभ मिळणार आहे.
सहा महिन्यांपेक्षा कमी कार्यकाळ असणाऱ्या कर्मचाऱ्यांना व अधिकाऱ्यांना याचा लाभ मिळणार नाही, असे माहिती आहे. महापालिकेच्या पात्र कर्मचाऱ्यांना दिवाळीच्या आधीच बोनसची रक्कम वर्ग करा, असा आदेश आयुक्तांनी दिला आहे.
पिंपरी-चिंचवड महापालिका आयुक्तांसोबत पिंपरी-चिंचवड महापालिका कर्मचारी महासंघाने एक करार केला आहे. यानुसार दरवर्षी बोनस जाहीर करण्यात येतो. दर पाच वर्षांसाठी महासंघ व महापालिकेत दिवाळी बोनस बाबत करार करण्यात येतो.
महापालिकेच्या सामान्य प्रशासन विभागाच्या माध्यमातून 30 सप्टेंबर रोजी महासंघाच्या प्रस्तावाला मान्यता देण्यात आली. सामान्य प्रशासन विभागाच्या या निर्णयाला शुक्रवारी मंजुरी देण्यात आली आहे.
पिंपरी चिंचवड महापालिकेचे आयुक्त तथा प्रशासक शेखर सिंह यांनी शुक्रवारी (3 ऑक्टोबर 2025)सामान्य प्रशासन विभागाने घेतलेल्या निर्णयाला मंजुरी दिली आहे. कर्मचारी महासंघाने जुलैच्या पहिल्या आठवड्यात महापालिकेकडे बोनस बाबत निवेदन दिले होते.
8.33% सानुग्रह अनुदान व 20 हजार रुपये जादा दिले जाणार आहेत.
सध्या ज्या करारा अंतर्गत बोनसची रक्कम मिळत आहे तो करार 2021 मध्ये झाला आहे.
वर्ग 1 वर्ग 4 मधील सर्व अधिकार्‍यांना व कर्मचाऱ्यांना बोनसचा लाभ दिला जाणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.