दोन जिल्हा न्यायाधीश बडतर्फ – सातारा येथील जिल्हा न्यायाधीश धनंजय निकम आणि पालघर येथील सत्र न्यायाधीश इरफान शेख यांना गंभीर गैरव्यवहाराच्या आरोपांमुळे सेवेतून बडतर्फ करण्यात आले आहे.
लाचखोरी प्रकरण – न्यायाधीश धनंजय निकम यांनी जामीन मंजूर करण्यासाठी ५ लाख रुपयांची लाच मागितल्याचा आरोप होता; त्यांचा अर्ज सत्र, उच्च व सर्वोच्च न्यायालयांनी फेटाळला.
अमली पदार्थ प्रकरणातील आरोप – न्यायाधीश इरफान शेख यांच्यावर अमली पदार्थ तस्करीत सहभाग आणि कॉर्डिलिया क्रूझवरील पार्टीत उपस्थित राहून नशा केल्याचे आरोप करण्यात आले होते.
Mumbai News: जामीन देण्यासाठी पाच लाख रुपयांची लाच मागणाऱ्या सातारा जिल्हा सत्र न्यायाधीशाला सेवेतून बडतर्फे करण्यात आले आहे. सत्र न्यायालयात आणि नंतर उच्च न्यायालयातील त्यांचा अर्ज फेटाळला आहे. पालघर जिल्हा सत्र न्यायाधीशावरही अशाच प्रकारे कारवाई करण्यात आली आहे.
सातारा जिल्हा न्यायाधीश धनंजय निकम आणि पालघर जिल्हा सत्र न्यायाधीश इरफान शेख या दोघांना सेवेतून बडतर्फ करण्यात आल्याचे आदेश नुकतेच काढण्यात आले आहेत.त्यांना १ ऑक्टोबरपासून पदमुक्त केले आहे.
सातारा येथील जिल्हा व सत्र न्यायाधीश निकम यांच्यावर जामिनासाठी जामीन देण्यासाठी पाच लाख रुपयांची लाच मागितल्याचा आरोप होता. त्यांनी याप्रकरणी गुन्हा दाखल झाल्यानंतर अटकपूर्व जामिनासाठी आधी सत्र न्यायालयात व नंतर उच्च न्यायालयात धाव घेतली होती. परंतु, दोन्ही न्यायालयांनी त्यांचा अर्ज फेटाळला. त्यानंतर त्यांनी सुप्रीम कोर्टात धाव घेतली होती.
याप्रकरणी त्यांची उच्च न्यायालय प्रशासनाच्या शिस्तपालन समितीकडून चौकशी होऊन अहवाल सादर केला होता. त्याअहवालाच्या आधारे त्यांच्या बडतर्फीचा आदेश काढण्यात आला आहे.
इरफान शेख यांच्यावर देखील अशाच स्वरूपाचे गंभीर आरोप होते. त्यांचीही प्रशासनाच्या शिस्तपालन समितीकडून चौकशी करण्यात आली. शेख हे मुंबईतील बॅलार्ड पिअर न्यायालयात दंडाधिकारी म्हणून कार्यरत होते. त्यांच्याकडे अमली पदार्थ प्रतिबंधक कायद्यांतर्गत दाखल गुन्ह्याची प्रकरणे सुनावणीसाठी होती.
कारवाईदरम्यान जप्त केलेल्या आणि मुद्देमाल म्हणून न्यायालयात सादर केलेल्या अमली पदार्थांची ते ते तस्करी करत होते, असा आरोप करणारी याचिका उच्च न्यायालयात करण्यात आली होती. कॉर्डिलिया क्रूझवरील पार्टीला शेख हे उपस्थित होते. त्यांनीही नशा केली होती. परंतु, क्रूडावरील पार्टीवर छापा टाकणाऱ्या केंद्रीय अमली पदार्थ विभागाच्या अधिकाऱ्यांनी त्यांना तेथून बाहेर काढले, असा आरोपही याचिकेत करण्यात आला होता.
Q1. सातारा जिल्हा न्यायाधीश धनंजय निकम यांच्यावर काय आरोप होता?
➡️ त्यांनी जामीन देण्यासाठी पाच लाख रुपयांची लाच मागितल्याचा आरोप होता.
Q2. या प्रकरणात न्यायालयांनी कोणते निर्णय दिले?
➡️ सत्र न्यायालय, उच्च न्यायालय आणि सर्वोच्च न्यायालयाने त्यांचा अर्ज फेटाळला.
Q3. इरफान शेख कोणत्या प्रकरणात अडकले?
➡️ ते अमली पदार्थ प्रकरणात तस्करी व गैरवर्तनाच्या आरोपांमुळे अडकले.
Q4. या दोन्ही न्यायाधीशांना कधी बडतर्फ करण्यात आले?
➡️ १ ऑक्टोबरपासून त्यांना सेवेतून बडतर्फ करण्यात आले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.