Pune News: पंतप्रधान मोदी हे आज (सोमवारी) नवी दिल्लीतील विज्ञान भवनात केंद्रीय अन्वेषण ब्युरोच्या हीरक महोत्सवी सोहळ्याचे उद्घाटन करणार आहेत. या कार्यक्रमादरम्यान, पंतप्रधान विशिष्ट सेवेसाठी राष्ट्रपती पोलिस पदक आणि सीबीआयच्या सर्वोत्तम तपास अधिकाऱ्यांना सुवर्णपदक प्रदान करतील.
या वेळी पुणे, शिलाँग आणि नागपूर येथे सीबीआयच्या नवीन कार्यालयीन इमारतीचे पंतप्रधान मोदी ऑनलाइन उद्घाटन करतील, असे पंतप्रधान कार्यालयाच्या पत्रकात म्हटले आहे. पुण्यातील येरवडा येथे केंद्रीय अन्वेषण ब्युरोच्या (सीबीआय) नव्याने बांधलेल्या कार्यालयीन इमारतीचे उद्घाटन पंतप्रधान नरेंद्र मोदी यांच्या हस्ते होणार आहे.
पंतप्रधान सीबीआयच्या ट्विटर हँडलचे उद्घाटन करतील. तसेच, सीबीआयच्या हीरक महोत्सवी वर्षाचे औचित्य साधणारे टपाल तिकीट आणि स्मृती नाणे जारी करणार असल्याची माहिती देण्यात आली. सध्या पुणे सीबीआयचे कामकाज आकुर्डी, पिंपरी येथील कार्यालयातून सुरू होते.
येरवड्यातील फुलेनगर-आळंदी रस्त्यावरील मेंटल हॉस्पिटलजवळ सीबीआयसाठी आरक्षित जागेवर आता नवीन तीन मजली कार्यालय आणि अधिकाऱ्यांसाठी निवासी संकुल बांधण्यात आले आहे. या प्रकल्पावर सुमारे २० कोटी रुपये खर्च करण्यात आले आहेत.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.