Congress Leader Join BJP : पुण्यात काँग्रेसला हादरा : किसान काँग्रेसच्या जिल्हाध्यक्षांचा भाजपत प्रवेश

मंचर (जि. पुणे) : भारतीय जनता पक्षाने (BJP) पुणे (Pune) जिल्ह्यात पक्ष बळकटीकरणासाठी बारामतीपाठोपाठ आंबेगाव तालुक्यात लक्ष केंद्रीत केले आहे. त्यांनी कॉंग्रेस (Congress) पक्षाला हादरे देण्यास सुरुवात केली आहे. पुण्यात झालेल्या कार्यक्रमात पालकमंत्री चंद्रकांत पाटील, माजी मंत्री हर्षवर्धन पाटील, संजय (बाळा) भेगडे, आमदार राहुल कुल यांच्या उपस्थितीत पुणे जिल्हा किसान काँग्रेसच्या अध्यक्षा तथा आंबेगाव तालुक्यातील मंचरच्या माजी सरपंच आश्विनी शेटे (Ashwini Shete) यांनी प्रमुख कार्यकर्त्यांसह पुणे येथे भाजपत प्रवेश केला. (Pune District Kisan Congress president Ashwini Shete joins BJP)

दरम्यान, कॉंग्रेसचे आणखी काही कार्यकर्ते भाजपमध्ये लवकरच प्रवेश करणार आहेत, असे पुणे जिल्हा भाजप किसान मोर्चाचे जिल्हाध्यक्ष संजय थोरात (मंचर) यांनी जाहीर केले आहे, त्यामुळे कॉंग्रेस पक्षात खळबळ उडाली आहे.

अश्विनी शेटे यांनी मंचरचे सरपंच म्हणून काम पाहिले आहे. माजी खासदार लोकनेते (स्व) किसनराव बाणखेले यांच्या कट्टर समर्थक अशी त्यांची ओळख आहे. मंचर ग्रामपंचायतीचे नगरपंचायतीत रुपांतर झाले आहे. आत्तापर्यंत झालेल्या सर्व मंचर ग्रामपंचायत निवडणुकांमध्ये बाळासाहेबांची शिवसेना पक्ष, राष्ट्रवादी कॉंग्रेस, शिवसेना (उद्धव बाळासाहेब ठाकरे) व कॉंग्रेस या पक्षांचे वर्चस्व होते.

मंचर नगरपंचायतीची निवडणूक लवकरच होणार आहे. या निवडणुकीवर भाजपचे नेते संजय थोरात यांनी लक्ष केंद्रित करून व्यूह रचना आखली आहे. येथे कमळ फुलविण्यासाठी भाजपचे कार्यकर्ते कामाला लागले आहेत. त्याची सुरुवात अश्विनी शेटे यांच्या पक्ष प्रवेशातून झाली असल्याची चर्चा सुरु झाली आहे.

काँग्रेसच्या अश्विनी शेटे म्हणाल्या “मंचर शहराच्या सर्वांगीण विकासासाठी संजय थोरात यांच्या नेतृत्वाखाली काम करण्याचा निर्णय घेतला आहे. अजूनही काही सहकारी भाजपमध्ये प्रवेश करणार आहेत.”

थोरात म्हणाले “मंचर शहरातील १७ प्रभागांमध्ये भारतीय जनता पार्टीच्या माध्यमातून नागरिकांच्या समस्या सोडवल्या जातील. आत्तापर्यंत तत्कालीन पालकमंत्री, खासदार गिरीश बापट व विद्यमान पालकमंत्री चंद्रकांत पाटील यांच्या माध्यमातून रस्ते व नागरी सुविधांसाठी कोट्यवधी रुपयांचा निधी प्राप्त झाला आहे.”

अश्विनी शेटे यांचा सत्कार पुणे जिल्हा भाजपचे अध्यक्ष गणेश भेगडे, ॲड. धर्मेंद्र खांडरे, थोरात व आंबेगाव तालुका अध्यक्ष डॉ.ताराचंद कराळे यांच्या हस्ते करण्यात आला. पालकमंत्री चंद्रकांत पाटील, माजी सहकार मंत्री हर्षवर्धन पाटील यांनी अश्विनी शेटे यांना पुढील वाटचालीसाठी शु