Pune Loksabha News : निवडून आल्यावर शर्मिला ठाकरेंचा आशिर्वाद घेणार....वसंत मोरे

Pune Loksabha News : कसबा पॅटर्न पेक्षा विकासाचा कात्रज पॅटर्न पुणे शहरात चालेल. भाजपचे चारशे पारचे स्वप्न स्वप्नच राहणार आहे. माझा फॉर्मुला 30 तारखेनंतर तुम्हाला पाहायला मिळेल. वसंत मोरे शंभर टक्के पुणे शहरात आघाडी घेणार आहेत. पुणे शहराच्या विकासाची ‘ब्लू प्रिंट’ माझ्याकडे तयार आहे.त्यामुळे वंचित बहुजन आघाडीच्या माध्यमातून मी दिल्लीला जाणार आहे. निवडून आल्यानंतर शर्मिला ठाकरेंचा आशीर्वाद घ्यायला जाणार असल्याचे वसंत मोरे यांनी स्पष्ट केले.

वंचित बहुजन आघाडीचे पुणे लोकसभेचे उमेदवार वसंत मोरे म्हणाले, मी राज ठाकरेंची कालची सभा पाहिली आहे. पक्ष सोडल्यानंतर मी माझ्या विचारांशी ठाम आहे. उमेदवारी जाहीर झाल्यापासून मी इतर पक्षांचा विचार सोडला आहे. मी माझ्या भूमिकेवर ठाम आहे. मी घेतलेली भूमिका योग्य की अयोग्य हे चार जूनला कळेल, असे त्यांनी स्पष्ट केले. कसबा लोकसभेबाबत ते म्हणाले, रवींद्र जंगीकरांनी काम केलं असेल तर लोक त्यांना मतदान करतील. विकास करणे कुठेच अशक्य नसतं.

मी पुणे शहराचा जेव्हा खासदार होईन, तेव्हा संपूर्ण शहराचा विकास करेन. पुणे लोकसभा मतदारसंघातील सहाही विधानसभा मतदारसंघांचा अभ्यास केला आहे. त्यामुळे भारतीय जनता पक्षाने पुणेकरांना गृहित धरणं बंद करावे, असा सल्ला त्यांनी दिला. राज ठाकरे यांनी महायूतीसोबत जाण्याच्या निर्णयावर श्री. मोरे म्हणाले, राज ठाकरेंनी घेतलेल्या भूमिकेवर मी बोलू शकत नाही.

कसबा पॅटर्न पेक्षा विकासाचा कात्रज पॅटर्न पुणे शहरात चालेल. भाजपचे चारशे पारचे स्वप्न स्वप्नच राहणार आहे. माझा फॉर्मुला 30 तारखेनंतर तुम्हाला पाहायला मिळेल. वसंत मोरे शंभर टक्के पुणे शहरात आघाडी घेणार आहेत. पुणे शहरातील विविध विषयावर भाष्य करताना त्यांनी सांगितले की, पुणे शहरात ट्राफिक नियोजन करण्यासाठी ट्रॅफिक इंजिनिअर का नाही.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

पुणे शहरात सगळ्यात मोठा प्रश्न वाहतुकीचा, पाण्याचा व कचऱ्याचा आहे. पुणे शहराचा विकासाची ‘ब्लू प्रिंट’ माझ्याकडे तयार आहे.वंचित बहुजन आघाडीच्या माध्यमातून मी दिल्लीला जाणार आहे. निवडून आल्यानंतर शर्मिला ठाकरेंचा आशीर्वाद घ्यायला जाणार असल्याचे वसंत मोरे यांनी सांगितले.

Edited By : Umesh Bambare