Pune PMC Election : शहराच्या पूर्व भागामध्ये आपली ताकद वाढवण्याच्या दृष्टिकोनातून भाजपने राष्ट्रवादी काँग्रेस शरद पवार पक्षाचे आमदार बापू पठारे यांच्या मुलगा आणि सुनेला आपल्या पक्षात घेऊन उमेदवारी दिली आहे.
तर दुसरीकडे उपमुख्यमंत्री अजित पवार यांच्या राष्ट्रवादी काँग्रेसचे माजी आमदार आणि शहर प्रमुख असलेल्या सुनील टिंगरे यांनी देखील आपली ताकद या प्रभागात लावली आहे. त्यामुळे या ठिकाणी भाजप विरुद्ध राष्ट्रवादी काँग्रेस अशीच मुख्य लढत होताना पाहायला मिळत आहे.
पुणे महानगरपालिका निवडणूकित प्रभाग क्रमांक ३ (विमाननगर-लोहगाव) आणि प्रभाग क्रमांक ४ (खराडी-वाघोली) हे पुण्याच्या पूर्व भागातील महत्त्वाचे प्रभाग आहेत. हे भाग आयटी हब, विमानतळ आणि वेगाने विकसित होणाऱ्या रहिवासी क्षेत्रांमुळे राजकीयदृष्ट्या संवेदनशील मानले जातात.
येथे रस्ते, पाणी, ट्रॅफिक आणि विकासाच्या मुद्द्यांवर निवडणूक लढली जात आहे. यंदाच्या निवडणुकीत नात्यागोत्यांच्या जोड्यांमुळे राजकीय मैदान अधिकच रंगतदार झालं आहे. पितापुत्र, पती-पत्नी, भाऊ-भाऊ अशा अनेक जोड्या निवडणुकीच्या रिंगणात उतरल्या आहेत. पूर्व पुण्यातील प्रभाग क्रमांक ३ आणि ४ मधून ऐश्वर्या पठारे आणि सुरेंद्र पठारे हे पती-पत्नीची जोडी मैदानात उतरल्याने विशेष चर्चा रंगली आहे.
प्रभाग क्रमांक 3 मधून भाजपने श्रेयश खांदवे, अनिल सातव, ऐश्वर्या पठारे, रामदास दाभाडे त्यांना उमेदवारी दिली आहे. तर राष्ट्रवादी काँग्रेस कडून उषा कळमकर, सुनील खांदवे उज्वला खांदवे आणि बंडू खांदवे हे उमेदवार आहेत. राष्ट्रवादी काँग्रेसचे शहराध्यक्ष असलेले सुनील टिंगरे यांनी या प्रभागात विशेष लक्ष घातलं असून निवडणुकीची सूत्र आपल्या हातात घेतले आहे.
तसेच या भागामध्ये आयटी कंपन्या मोठ्या प्रमाणात असल्याने उच्चशिक्षित तरुण मतदार मोठ्या प्रमाणात या ठिकाणी वास्तव्यास आहे. त्याच दृष्टिकोनातून उमेदवार देण्यात आले असल्याचे पाहायला मिळत आहे. त्यामुळे भाजपने देखील या प्रभागातून ऐश्वर्या पठारे या उच्चशिक्षित आणि आयटी क्षेत्रामध्ये काम केलेल्या उमेदवाराला निवडणूक रिंगणात उतरवलं आहे. आता पठारे कुटुंबाचा हा राजकीय प्रयोग मतदार कसा स्वीकारतात, याकडे संपूर्ण पुण्याचे लक्ष लागले आहे.
तसेच या भागामध्ये आयटी कंपन्या मोठ्या प्रमाणात असल्याने उच्चशिक्षित तरुण मतदार मोठ्या प्रमाणात या ठिकाणी वास्तव्यास आहे. त्याच दृष्टिकोनातून उमेदवार देण्यात आले असल्याचे पाहायला मिळत आहे. त्यामुळे भाजपने देखील या प्रभागातून ऐश्वर्या पठारे या उच्चशिक्षित आणि आयटी क्षेत्रामध्ये काम केलेल्या उमेदवाराला निवडणूक रिंगणात उतरवलं आहे. आता पठारे कुटुंबाचा हा राजकीय प्रयोग मतदार कसा स्वीकारतात, याकडे संपूर्ण पुण्याचे लक्ष लागले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.