Raj Thackeray In Pune : राज ठाकरे पुणे दौऱ्यावर; वसंत मोरेंच्या कार्यक्रमाला हजेरी लावणार?

Raj Thackeray News : महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांचा नुकताचा गुढीपाडवा मेळावा पार पडला. या सभेतून त्यांनी राजकारणातल्या विविध मुद्द्यावर जोरदार भाष्य केले. यावेळी त्यांनी शिवसेना ठाकरे गटाचे प्रमुख उद्धव ठाकरेंवर जोरदार प्रहार केला. तसेच राज्यातील विविध मुद्द्यावर ही भाष्य केले. गुढीपाडवा मेळ्यावानंतर आता राज ठाकरेंचा पुणे दौरा होत आहे.

राज ठाकरे यांचा आज आणि उद्या असा दोन दिवसांचा पुणे दौरा होत आहे. राज ठाकरेंचा हा खासगी दौरा असला तरी, उद्या पुण्यात कार्यकर्त्यांची बैठक आयोजित करण्यात येणार असल्याचे बोलले जात आहे. मुंबई येथील माहीमजवळच्या समुद्रात अनधिकृतपणे उभारण्यात आलेल्या मजारवर प्रशासनाने कारवाई केली. आता यानंतर पुणे शहरात पुणेश्वर आणि नारायणेश्वर मंदिरावरून मनसे आक्रमक झालेली पाहायला मिळत आहे.

याबाबतीत पुणे शहर मनसेचे पदाधिकारी व कार्यकर्त्यांची बैठक आयोजित करण्यात येणार असल्याची शक्यता आहे. यानंतर राज ठाकरे हे मनसेचे प्रसिद्ध नेते व माजी नगरसेवकवसंत मोरेंच्या डॉग पाँड उद्घाटन कार्यक्रमाला लावणार हजेरी आहेत. मागील आठवड्यात राज ठाकरेंनी वसंत मोरेंना 26 तारखेची वेळ दिली होती.