Chandrakant Patil on Dhangekar : धंगेकरांच्या शिवसेना प्रवेशामुळे भाजपमध्ये नाराजी; चंद्रकांत पाटील म्हणाले, "तर मी त्यांना पक्षात घेण्याविरोधात..."

Pune News, 12 Feb : काँग्रेसचे माजी आमदार रवींद्र धंगेकर (Ravindra Dhangekar) यांनी नुकताच शिंदेंच्या शिवसेनेमध्ये प्रवेश केला आहे. या प्रवेशानंतर भाजपमध्ये मोठ्या प्रमाणात अस्वस्थता असल्याचं पाहायला मिळत आहे. भाजपचे स्थानिक नेते या प्रवेशाबाबत उघड उघड नाराजी व्यक्त करत आहेत.

अशातच भाजप आमदार चंद्रकांत पाटील (Chandrakant Patil) यांनी याबाबत आपली भूमिका स्पष्ट केली आहे. माध्यमांशी बोलताना चंद्रकांत पाटील म्हणाले, धंगेकर आणि आमचा फक्त पंगा नाही तर आम्ही एकमेकांच्या विरोधात तीन निवडणुका लढवल्या असून त्यातली एक हरलो तर दोनदा त्यांना हरवलं आहे.

राजकारणामध्ये आणि समाजकारणामध्ये एखादी गोष्ट काळाच्या ओघांमध्ये बदलत असते याची मानसिक तयारी असणारे आम्ही आहोत. राज्यामध्ये महायुतीचे तीन पक्षांचं आमचं सरकार आहे. जर भाजपच्या नेत्यांनी धंगेकरांना (Ravindra Dhangekar) पक्षात घेण्याच्या विचार केला असता तर मी त्या विरोधात भांडलो असतो.

मात्र महायुतीतील (Mahayuti) प्रत्येक पक्षाला कोणाला घ्यायचं कोणाला नाही हे स्वातंत्र्य आहे. महायुतीमध्ये तिन्ही पक्ष एकत्र असले तरी ते मर्ज झालेले नाहीत. त्यामुळे उपमुख्यमंत्री एकनाथ शिंदेंना (Eknath Shinde) वाटलं असेल की पुण्यामध्ये त्यांचं काम वाढवायचा आहे. म्हणून त्यांनी धंगेकरांना घेतलं असेल. मात्र आता ते महायुतीच्या मित्र पक्षातील सदस्य झाले आहेत.

त्यामुळे काही भाजपमधील लोक आपली भावना व्यक्त करत आहेत. मात्र तेवढं स्वतंत्र आम्ही पक्षातील लोकांना देतो, असं चंद्रकांत पाटील म्हणाले. भाजपाच्या कार्यकर्त्यांमध्ये जरी धंगेकरांबाबत भावना असल्या तरी ते आता आमच्या प्रमुख सहयोगी पक्षाचे नेते झाले असल्याने आमचा वाद न होऊन देण्याचा प्रयत्न राहणार आहे. पुढील काळामध्ये आम्ही समन्वयाने पुढे जाऊ, असंही ते यावेळी म्हणाले.

२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप