Pune News, 31 May : मागील काही दिवसांपासून जेष्ठ नेते शरद पवारांची राष्ट्रवादी काँग्रेस आणि उपमुख्यमंत्री अजित पवारांची राष्ट्रवादी एकत्र येणार असल्याच्या चर्चांना उधाण आलं आहे. त्याचं कारण म्हणजे शरद पवार आणि अजित पवार हे अनेकदा एकाच व्यासपीठावर एकत्र आल्याचं पाहायला मिळत आहे.
त्यामुळे हे दोन्ही नेते एकत्र येणार असल्याच्या चर्चा अधूनमधून सुरू असतात. शिवाय नुकतंच राज्याचे मुख्यमंत्री देवेंद्र फडणवीस यांनी देखील एका जाहीर कार्यक्रमात शरद पवारांचं कौतुक केल्यामुळे पवारांबाबत महायुतीत सकारात्मक वातावरण असल्याचंही बोललं जात आहे.
मात्र, ठाकरेंच्या शिवसेनेचे खासदार संजय राऊत यांनी मात्र दोन्ही राष्ट्रवादी एकत्र येणार या केवळ या केवळ हवेतील चर्चा असल्याचं म्हटलं आहे. शिवाय मी स्वतः या मताशी ठाम आहे की, शरद पवार साहेब शाहू-फुले-आंबेडकर यांच्या विचारधारेने चालतात.
यशवंतराव चव्हाण यांचा वारसा शरद पवारच राज्यात आणि देशात चालवतात. ज्या राज्यात धर्मांध आणि जातीय शक्ती वाढल्या आहेत, त्या शक्तींसोबत त्यांच्यासारखा आदर्श नेता जाईल, असं त्यांच्या समर्थकांना आणि आम्हाला वाटत नाही, असं राऊतांनी म्हटलं आहे.
दरम्यान, याच सर्व चर्चांवर खुद्द शरद पवार यांनी प्रतिक्रिया दिली आहे. माध्यम प्रतिनिधींनी मागील काही दिवसांपासून दोन्ही राष्ट्रवादी एकत्र येणार असल्याच्या चर्चा सुरु असून यावर आपली प्रतिक्रिया काय? असा प्रश्न विचारला असता ते म्हणाले, "मला माहिती नाही...", अशी केवळ तीन शब्दांची प्रतिक्रिया त्यांनी या चर्चांवर दिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.