Pune News : वैष्णवी हगवणे यांच्या मृत्युंनंतर त्यांचे नऊ महिन्यांचे बाळ कुठे आहे, असा प्रश्न उपस्थित होत आहे. मात्र याबाबत वैष्णवीच्या कुटुंबीयांनी धक्कादायक माहिती दिली आहे. वैष्णवीचे बाळ हे तिच्या पतीचे बिझनेस पार्टनर असलेल्या निलेश चव्हाण नावाच्या व्यक्तीकडे असल्याचा दावा केला आहे. या बाळाची कस्टडी मिळावी, यासाठी पोलिसांकडे वारंवार संबंधित व्यक्तीला अटक करण्याची मागणी करण्यात येत असताना देखील पोलिसांकडून चालढकल केली जात असल्याचा आरोप कस्पटे कुटुंबांनी केला आहे.
वैष्णवी हगवणे यांचा संशयास्पद मृत्यू झाल्यानंतर या प्रकरणामध्ये त्यांचे पती, सासू आणि नणंदेला अटक करण्यात आली आहे. तर सासरा आणि दीर अद्याप फरार आहेत. त्यामुळे कुटुंबीयांना अटक असताना वैष्णवी यांचे बाळ निलेश चव्हाण यांच्याकडे ठेवण्यात आले असल्याचं सांगितलं जात आहे. वैष्णवीचा पती शशांक हगवणे याचा बिजनेस पार्टनर निलेश चव्हाण असल्याची माहिती समोर अली आहे.
पुण्यातील कर्वेनगर भागातील औदुंबर सोसायटीमध्ये निलेश चव्हाण राहतो. बाळ त्याच्याकडेच असल्याचा दावा कस्पटे कुटुंबाने केला आहे. चव्हाण याने बाळाचा ताबा आपल्याला देण्यास नकार दिला असल्याचे देखील त्यांनी सांगितले आहे. इतकेच नाही तर ज्यावेळी आम्ही बाळ आणायला गेलो, तेव्हा तिथे निलेश चव्हाण याने आम्हाला बंदुकीचा धाक दाखवून तुमचा आणि बाळाचा काही संबंध नाही, ताबा हवा असेल तर कोर्टात जा, असे म्हणून धमकावले असल्याचा कस्पटे कुटुंबाने आरोप केला आहे.
सुरुवातीला जय प्रकाश हगवणे हे राजेंद्र हगवणे यांचे मोठे बंधू असून त्यांनी आम्हाला बोलवून बाळाचा ताबा घ्या, असं सांगितलं. मात्र त्यावेळेस त्या ठिकाणी निलेश चव्हाण नावाचा व्यक्ती आला आणि आम्हाला बंदूक दाखवून हाकलून दिले. त्यामुळे मुलाच्या आईचा जीव तर गेलाच आहे, मात्र आता नऊ महिन्याच्या बाळाच्या जीवाला धोका असल्याचे कुटुंबीयांकडून सांगण्यात आले आहे.
तसेच ज्यावेळी या प्रकरणाची तक्रार पोलिसांकडे केली, त्यावेळी पोलिसांनी याबाबत कोणतीही दखल घेतली नाही. जर मुलाच्या आईसारखे त्या बाळाच्या जीवाला काही बरंवाईट झालं तर याला जबाबदार कोण, असा सवाल देखील कस्पटे कुटुंबीयांनी उपस्थित केला आहे.
महिला आयोगाकडून महत्त्वाची माहिती
दरम्यान, याबाबत महिला आयोगाकडून एक्स वर पोस्ट करण्यात आली असून या कस्पटे कुटुंबीयांना त्या बाळाचा ताबा देण्यात येणार असल्याचे सांगितले आहे. आतापर्यंत हे बाळ राजेंद्र हगवणे यांच्या मावस भावाकडे असल्याची माहिती सोशल मीडिया पोस्टद्वारे महिला आयोगाच्या अध्यक्ष रूपाली चाकणकर यांनी दिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.